کراچی میں مبینہ طور پر پڑوسی نے چھریوں کے وار سے خاتون کو قتل کر دیا۔
تفصیلات کے مطابق نیوکراچی سیکٹرفائیو جے میں چھریوں کے وار کر کے خاتون کو قتل کر دیا گیا۔ پولیس کا کہنا ہے کہ جان لینے والا خاتون کا پڑوسی ہے۔
پولیس نے مفرور ملزم کے تین بھائیوں کو حراست میں لے لیا ہے مقتولہ اور ملزم کے اہلخانہ میں کچرا پھینکنے پر پہلے بھی لڑائی جھگڑا ہوتا رہا ہے۔
- Advertisement -
پولیس حکام کے مطابق وکالت کے شعبے سے منسلک مقتولہ صبا اپنے ملازم کے ساتھ موٹرسائیکل پر کہیں جا رہی تھی کہ اس دوران پڑوسی غضنفر نے حملہ کیا۔
خاتون کی لاش کو عباسی شہید اسپتال منتقل کر دیا ہے اور پولیس نے جائے وقوعہ سے ابتدائی شواہد اکٹھے کر لیے ہیں۔ واقعے سے متعلق مزید تفتیش جاری ہے۔
