ممبئی میں ایک خاتون نے گلی کے کتے پر تیزاب سے حملہ کردیا، جس سے نہ صرف وہ بری طرح زخمی ہوگیا بلکہ اس کی آنکھ بھی ضائع ہوگئی۔
غیرملکی میڈیا رپورٹس کے مطابق 35سالہ شبستہ انصاری کو کتے پر اس لیے غصہ تھا کہ یہ کتا ان بلیوں کو تنگ کرتا تھا جنھیں وہ اپنی عمارت میں کھانا کھلاتی تھی، مذکورہ واقعہ ممبئی کے علاقے مالوانی میں 17 اگست کو پیش آیا۔
تیزاب کے حملے میں گلی میں پھرنے والے کتا جھلس گیا اور اپنی ایک آنکھ سے محروم ہوگیا، خاتون کا یہ عمل ہاؤسنگ سوسائٹی کے سی سی ٹی وی کیمرے میں قید ہوگیا۔
#WATCH : Woman booked for acid attack on dog in mumbai.
The Mumbai police recently booked a 35-year-old woman for allegedly throwing acid on a dog in Malad. The police registered an FIR against the woman after Balasaheb Tukaram Bhagat (53), the dog's caretaker, lodged a complaint… pic.twitter.com/xc3mKH3Us5— upuknews (@upuknews1) August 18, 2023
مذکورہ واقعے کی اطلاع ملنے پر ٹی وی ایکٹر جیہ بھٹاچاریہ اور ان کی ٹیم کتے کی مدد کے لیے آگے آئی، کتے کو این جی او تھینک یو ارتھ لے جایا گیا جہاں اس جانور کا علاج کیا جارہا ہے۔
بھٹاچاریہ نے کہا کہ پولیس کو اس حوالے سے اطلاع کر دی ہے، یہ بات افسوسناک ہی کہی جاسکتی ہے کہ بلیوں کو کھانا کھلانے والا کوئی فرد دوسرے جانوں پر حملہ آور ہوجائے۔
مالوانی پولیس کی جانب سے خاتون کے خلاف تعزیرات ہند اور جانوروں پر مظالم کی روک تھام اور مہاراشٹرا پولیس ایکٹ کے تحت مقدمہ درج کر لیا گیا ہے۔
