کراچی : شہر قائد میں 70سالہ شوہر کوقتل کرکے لاش کے ٹکڑے کرنیوالی خاتون آئس کے نشے کی عادی نکلی ، پولیس کا کہنا ہے کہ جس رات قتل ہوا دونوں میاں بیوی آئس کا نشہ کر رہے تھے۔
تفصیلات کے مطابق کراچی میں بیوی کے ہاتھوں 70سالہ شوہر کے قتل کیس میں پولیس کی جانب سے بیان میں کہا گیا کہ خاتون اور اس کا شوہر دونوں آئس کا نشانہ کرتے تھے اور جس رات قتل ہوا دونوں آئس کا نشہ کررہے تھے۔
پولیس کا کہنا تھا کہ خاتون حد سے زیادہ نشہ کرچکی تھی، مقتول کےبیٹھ کر نشہ نہ کرنے پر خاتون نے شوہر کو تھپڑ مارا جس پر جھگڑا شروع ہوگیا ، اس دوران خاتون نے شوہر کے منہ پر لوہے کی راڈ ماری۔
پولیس نے کہا کہ خاتون شوہر کا خون صاف کرنے لگی ، پھر جھگڑا ہوا تو خاتون مارتی چلی گئی، خاتون نے لاش کے ٹکرے کرکے کھڑکی سے پھینکے جسےچوکیدار نے دیکھا، خاتون نیچے گئی اور دونوں ہاتھ اٹھا کر ساتھ لے آئی۔
یاد رہے گذشتہ ہفتے کراچی میں سفاک بیوی نے شوپر کو قتل کرکے اس کے ٹکڑے کردیئے تھے اور واردات کے بعد آرام سے سو گئی تھی۔
پولیس نے ملزمہ کو گرفتار کرکے مقدمہ درج کرلیا تھا، ایس ایس پی زبیر نذیر شیخ کے مطابق رباب نامی خاتون نے اپنے شوہر شیخ محمد سہیل کی لاش کے ٹکڑے کرکے مختلف کمروں میں پھینک دیئے تھے۔
ملزمہ دوران گرفتاری اور دوران تفتیش نشے میں مدہوش تھی، اس نے اپنے ابتدائی بیان میں کہا ہے کہ مجھے انصاف نہیں ملا اس لیے میں نے یہ کام کیا۔
