امریکا میں خاتون نے وزن کم کرنے کے جنون میں شوہر اور نوکری ہی چھوڑ دی۔
غیرملکی خبررساں ادارے کی رپورٹ کے مطابق آئی لینڈ سے تعلق رکھنے والی خاتون کونی اسٹورز شوہر اور نوکری کو چھوڑ کر زندگی میں تبدیلی لائیں۔
2020 میں کونی اسٹورز خوشگوار زندگی گزار رہی تھیں اور ایک بیٹی کی ماں ہونے کے ساتھ ملازمت کے فرائض بھی انجام دیتی تھیں۔
خاتون بڑھتے وزن کی وجہ سے شوہر اور ملازمت سے بے زار آگئیں۔
کورونا لاک ڈاؤن کے دوران شراب اور کھانے کا استعمال بڑھا تو خاتون کا وزن 136 کلو گرام تک جا پہنچا۔
خاتون نے زندگی کو بہتر بنانے اور خوش رہنے کے لیے نوکری سمیت شوہر سے علیحدہ ہونا بہتر سمجھا اور پھر رولر اسکیٹنگ کو اپنی زندگی میں شامل کرلیا اور ان کا وزن 45 کلو کم ہوگیا۔
خاتون اب رولر اسکیٹنگ کی ماہر ہوگئیں اور ساتھ ہی رئیل اسٹیٹ کے شعبے سے بھی وابستہ ہیں۔
