امریکا میں ایک خاتون نے منفرد بننے کے شوق میں صحت کے لیے نہایت خطرناک کام کرواتے ہوئے اپنی زبان کو دو شاخہ یعنی دو حصوں میں تقسیم کروا لیا۔
جسم میں تبدیلی کے جنون میں مبتلا ایک خاتون کا کہنا ہے کہ وہ اپنی دوشاخہ (دو حصوں میں کٹی ہوئی) زبان کی وجہ سے بیک وقت دو مختلف چیزوں کا ذائقہ چکھ سکتی ہیں۔
دو شاخہ زبان والی خاتون کی ایک وقت میں پانی اورمشروب کا ذائقہ چکھنے کی ویڈیو سوشل میڈیا پر بہت مقبول ہورہی ہے۔
کیلی فورنیا سے تعلق رکھنے والی مقامی فنکارا بریانا میری شی ہادے کو سرجری کے ذریعے جسمانی ساخت تبدیل کرنے کا شوق ہے۔
رپورٹس کے مطابق خاتون نے سرجری کے ذریعے اپنی زبان کو درمیان سے دو حصوں میں کٹوالیا تھا جس کے بعد انہوں نے 2 لاکھ سے زائد فالورز والے اپنے انسٹاگرام اکاؤنٹ پر ایک ویڈیو شیئر کی جو تیزی سے وائرل ہو رہی ہے۔
ویڈیو میں خاتون کو دو شاخہ زبان سے دو علیحدہ گلاسوں میں موجود کولڈ ڈرنک اور پانی کا ذائقہ ایک ہی وقت میں چکھتے ہوئے دیکھا جاسکتا ہے۔
View this post on Instagram
ویڈیو کے کیپشن میں انہوں نے لکھا کہ دونوں میں سے کونسا ذائقہ آپ پہلے چکھیں گے؟
ویڈیو کو تقریباً 2 لاکھ سے زائد مرتبہ دیکھا جاچکا ہے جس پر صارفین نے ملے جلے خیالات کا اظہار کیا ہے۔
دوسری جانب برٹش ڈینٹل جنرل کے مطابق دو شاخہ زبان کروانا صحت کے لیے انتہائی خطرناک اور نقصان کا باعث ہے اور ایسا عمل کروانے والوں کو ہیمریج کا شدید خطرہ لاحق ہوسکتا ہے جبکہ انفیکشن اور اعصاب بھی متاثر ہوسکتے ہیں۔
