کراچی کے علاقے ملیر غازی گوٹھ میں 29 اپریل کو صندوق سے 60 سالہ خاتون کی تشدد زدہ لاش ملی تھی، پولیس نے مقدمہ درج کر کے ملزمان کی تلاش شروع کر دی ہے۔
لاش کچھ روز قبل لیاری گل محمد لین سے لاپتا 60 سالہ صفیہ خاتون کی نکلی ہے، جسے ورثا نے سرد خانے میں شناخت کر لیا، لواحقین کا کہنا ہے کہ صفیہ کو تشدد کے بعد گلا دبا کر قتل کیا گیا ہے، پولیس ٹیکنالوجی کا استعمال کر کے قاتلوں کو گرفتار کرے۔
کراچی : صندوق سے خاتون کی تشدد زدہ لاش برآمد
لواحقین کا کہنا ہے کہ صفیہ نے طلائی زیورات پہن رکھے تھے اور وہ 28 اپریل کو لیاری میں اپنے گھر سے 50 ہزار کی رقم لے کر نکلی، لیکن 2 روز بعد لاش ملی۔
پولیس کا کہنا ہے کہ ممکنہ طور پر 2 سے زائد ملزمان نے صفیہ خاتون کو کسی نامعلوم مقام پر قتل کیا اور لاش غازی گوٹھ کے ویران علاقے میں پھینک دی تھی۔
