ویمنز ٹی ٹوئنٹی ایشیا کپ: پاک بھارت ٹیمیں کل مد مقابل ہونگی -
The news is by your side.

Advertisement

ویمنز ٹی ٹوئنٹی ایشیا کپ: پاک بھارت ٹیمیں کل مد مقابل ہونگی

بنکاک : پاکستانی اور بھارتی ویمنز کرکٹ ٹیم کے درمیان ٹی ٹوئنٹی ایشیا کپ کا اہم میچ کل کھیلا جائیگا۔ پاکستان ٹیم اپنے ابتدائی دو میچز جیت چکی ہے۔

تفصیلات کے مطابق بنکاک میں کھیلے جانے والے ویمنز ٹی ٹوئنٹی ایشیا کپ میں پاکستانی ٹیم اپنے ابتدائی دو میچز جیت چکی ہے۔

اہم میچ میں اب روایتی حریف اور دوہزار بارہ کی چیمپیئن ٹیم بھارت سے ٹکراؤ ہوگا۔ گزشتہ ایونٹ میں بھارت نے پاکستان کیخلاف ہی فائنل میچ جیت کر ٹائٹل اپنے نام کیا تھا۔

پاکستان ویمنز ٹیم کی کپتان ثنا میر کا کہنا ہے کہ بھارتی ٹیم سے حساب برابر کرنے کا وقت آگیا ہے، ورلڈ ٹی ٹوئنٹی میں پاکستان ٹیم نے کامیابی حاصل کی تھی۔ حریف ٹیم پر نفسیاتی دباؤ زیادہ ہوگا۔

اس سے قبل ویمنز ٹی 20 ایشیا کپ میں پاکستان ویمنز ٹیم نے اپنے دوسرے میچ میں سری لنکا کو 8 وکٹوں سے شکست دے کر مسلسل دوسری کامیابی حاصل کی۔

گرین شرٹس نے 113 رنز کا ہدف 19 ویں اوور میں 2 وکٹوں کے نقصان پر حاصل کر لیا، جویریہ خان نے 56 رنز کی ناقابل شکست اننگز کھیلی۔

Comments

comments

یہ بھی پڑھیں