لاہور : پاکستان کرکٹ بورڈ نے خواتین کرکٹرز کے لئے سینٹرل کنٹریکٹ کااعلان کردیا، جس کے مطابق 19کرکٹرز کو 4 کیٹگریز میں تقسیم کیا گیا ہے، کپتان بسمہ معروف، جویریہ خان کیٹگری اے میں شامل ہیں۔
تفصیلات کے مطابق پی سی بی نے سیزن 2020-21ء کیلئے خواتین کھلاڑیوں کے سینٹرل کنٹریکٹ کااعلان کردیا ہے، جو یکم جولائی سے نافذ العمل ہوگا۔
پی سی بی نے بسمہ معروف کو سیزن 2020-21 کے لیے کپتان برقرار رکھنے کا اعلان کیا ہے تاہم فیصلہ کیا گیا ہے کہ ہیڈ کوچ اقبال امام کے کنٹریکٹ میں توسیع نہیں کی جائے گی۔
Anam Amin, Omaima Sohail get full contracts; 16-year-old Aroob Shah and 22-year-old Muneeba Siddiqui part of the newly-introduced nine-player emerging contract list. More here: https://t.co/46rG8WW7ew https://t.co/gJTtEcqB4r pic.twitter.com/yVBeuzVcQB
— Pakistan Cricket (@TheRealPCB) June 5, 2020
کنٹریکٹ میں19 کرکٹرز کو سینٹرل کنٹریکٹ کی 4 کیٹگریز میں تقسیم کیا گیا ہے جس کے مطابق بسمہ معروف، جویریہ خان کیٹگری اے میں عالیہ ریاض، ڈیانا بیگ، سدرہ نواز کیٹگری بی میں جبکہ انعم امین، ناہیدہ خان، ندا ڈار ،عمائمہ سہیل کیٹگری سی میں شامل ہیں۔
اس کے علاوہ پی سی بی نے عمدہ کارکردگی کا مظاہرہ کرنے والی نوجوان کرکٹرز کی کارکردگی کو سراہنے اور انہیں کھیل کی طرف مزید راغب کرنے کے لیے ایک نئی ایمرجنگ کیٹگری تشکیل دی ہے۔
عائشہ نسیم، فاطمہ ثنا، کائنات حفیظ، منیبہ صدیقی، نجیہا علوی، رامین شامین، صبا نذیر ایمرجنگ کیٹگری میں شامل ہیں جبکہ سعدیہ اقبال ،سیدہ اروب بھی امرجنگ کیٹگری کاحصہ ہیں۔
سینٹرل کنٹریکٹ کے مطابق کیٹگری اے میں33 فیصد، بی میں30فیصد ،سی میں25فیصد معاوضے میں اضافہ کیا گیا ہے،
پی سی بی کی جانب سے کھلاڑیوں کی ڈومیسٹک میچ فیس دگنی کردی گئی ہے۔
Congratulations to @maroof_bismah for retaining the national women’s team's captaincy!
MORE: https://t.co/46rG8WW7ewhttps://t.co/a2CrOFzF1B pic.twitter.com/8ImP1rkwRo
— Pakistan Cricket (@TheRealPCB) June 5, 2020
ڈومیسٹک ایونٹس کی انعامی رقم میں بھی 100فیصد اضافہ کیا گیا ہے، پاکستان کرکٹ بورڈ کے مطابق ڈومیسٹک یومیہ الاؤنس میں50فیصد اضافہ کیا گیا ہے، 5گھنٹے سے زائد بین الاقوامی فلائٹ پر بزنس کلاس میں سفر ہوگا۔
