کراچی : سوچ جذبہ اور عمل انسان کو بلندیوں کی جانب لے جاتا ہے ، کراچی کی ایک ایسی ہی باہمت خاتون نے چھوٹے سرمایہ سے فوڈ اسٹریٹ پرکاروبار شروع کردیا ہے جہاں وہ شہریوں کو عرب ممالک کی مزے دار زائقے متعارف کرارہی ہیں۔
یہ شہر کراچی کی اسٹریٹ پر قائم دبئی فلافل ہاؤس ہے، جہاں باہمت خاتون فاطمہ شہزاد بیگ شہریوں کو عربی ٹیسٹ متعارف کرارہی ہیں اور ان خواتین کو پیغام بھی دے رہی ہے کہ اگر جذبہ موجود ہو تو کوئی کاروبار خواتین کے لئے نا ممکن نہیں۔
گلستان جوہر منور چورنگی کی فوڈ اسٹریٹ پرقائم دبئی فلافل ہاؤس میں ان دنوں خوب رش رہتا ہے اور شہری یہاں عربی زائقے کے مزے لینے اتے ہیں۔
باہمت خاتون کی سوچ تھی کہ ایسی چیز مارکیٹ میں لائے جو اس سے پہلے کوئی نہ لایا ہو۔
فاطمہ کا کہنا ہے کہ عورت گھر کیلئے نہیں ہوتی اگر باہر نکلے تو سب کچھ کر سکتی ہے، ضروری نہیں عورت بینک میں ہو یا آفس میں، وہ ہر جگہ کھڑی ہوکر کما سکتی ہے ۔
ہمارے معاشرے میں عام خیال کیا جاتا ہے کہ کم سرمائے سے کاروباری کامیابی ممکن نہیں، اسی سوچ کو خاتون نے رد کر دیکھایا ہے۔
