کراچی : قومی ایئر لائن پی آئی اے کی پرواز سے عمرہ کی ادائیگی کیلئے جانے والی خاتون مسافر ائیرپورٹ پر انتقال کرگئیں۔
تفصیلات کے مطابق پشاور سے جدہ جانے والی خاتون مسافر بخت رنرا کی بورڈنگ ائیریا میں اچانک طبیعت خراب ہوئی ، جس پر سول ایوی ایشن نے ڈاکٹر طلب کرلئے اور خاتون مسافرکوفوری طورپراسپتال منتقل کیاگیا لیکن وہ جانبر نہ ہوسکیں اور انتقال کرگئیں۔
خاتون مسافرپی آئی اے کی پرواز735کےذریعےعمرہ کی ادائیگی کیلئےجدہ جارہی تھی۔
مزید پڑھیں : قومی پرواز میں 3 مسافروں کو ہارٹ اٹیک، خاتون انتقال کر گئی
یاد رہے گذشتہ سال دسمبر میں جدہ سے اسلام آباد جانے والی پی آئی اے کی پرواز پی کے 742 میں تین مسافروں کی طبیعت اچانک خراب ہوئی تھی ، کپتان نے کراچی ائیرپورٹ پر کنٹرول ٹاور سے رابطہ کرتے ہوئے میڈیکل ایمرجنسی کی اجازت طلب کی اور ایئرٹریفک کنٹرولر کی جانب سے اجازت ملنے پر طیارے کو کراچی ایئرپورٹ پر اتار لیا گیا۔
طیارہ لینڈ کرنے پر سول ایوی ایشن اتھارٹی کی ایمبولینس ، ڈاکٹر اور اسٹاف نے پہنچ کر مسافروں کو اسپتال منتقل کیا لیکن ہارٹ اٹیک کے باعث ایک خاتون دم توڑ گئیں تھیں۔
0
20
