The news is by your side.

Advertisement

کورونا وائرس کے باعث انٹرنیشنل کرکٹ کا بڑا ایونٹ ملتوی

لاہور : ایشین کرکٹ کونسل نے ستمبر میں بنگلہ دیش میں ہونے والا خواتین ایشیا کپ ملتوی کردیا، کورونا وائرس کی صورتحال کو مد نظر رکھتے ہوئے تاریخ کا اعلان بعد میں کیا جائے گا۔

تفصیلات کے مطابق دنیا بھر میں پھیلی کورونا کی جان لیوا وبا کے باعث کرکٹ کی بڑی سیریز اور بڑے ٹورنامنٹ بھی شدید مشکلات اور غیر یقینی صورتحال سے دوچار ہیں، حالات میں بہتری نہ آئی تو دیگر کرکٹ مقابلے بھی ملتوی ہوسکتے ہیں۔

اس سلسلے میں کرکٹ کا ایک اور ٹورنامنٹ کورونا وائرس کی نذر ہوگیا، کورونا کے باعث خواتین کرکٹ ایشیا کپ ملتوی کردیا گیا، ذرائع کا کہنا ہے کہ ایشین کرکٹ کونسل حالات بہتر ہونے پر نیا شیڈول طے کرے گا، جس کی تاریخ کا اعلان بعد میں کیا جائے گا۔

کرکٹ حلقوں کا کہنا ہے کہ امید ہے بنگلہ دیش کی مشاورت سے ٹورنامنٹ نومبر دسمبر میں کرانے کی کوشش کی جائے گی
یاد رہے کہ خواتین ایشیا کپ ستمبر میں بنگلادیش میں ہونا تھا۔

دوسری جانب آئی سی سی کا کہنا ہے کہ ٹی20 ورلڈ کپ کی تیاریاں جاری ہیں، ستمبر میں ایشیا کپ ٹی20 ہونا ہے جبکہ اکتوبر میں آسٹریلیا میں اس کا کوالیفائنگ راؤنڈ شروع ہونا ہے۔

چوبیس اکتوبر سے آئی سی سی ٹی ٹوئنٹی کا افتتاحی میچ میزبان آسٹریلیا اور عالمی نمبر ایک پاکستان کے درمیان سڈنی میں شیدول ہے۔ پاکستان کرکٹ ٹیم نے ہالینڈ، آئر لینڈ اور انگلینڈ کا دورہ بھی کرنا ہے کورونا وائرس کی وجہ سے پاکستانی ٹیم کا دورہ بھی غیر یقینی صورتحال سے دوچار ہیں۔

Comments

یہ بھی پڑھیں