پڑوس میں رہنے والی خواتین میں اکثر چھوٹی چھوٹی باتوں پر جھگڑا عام سی بات ہے لین جب یہ جھگڑا ہاتھا پائی کے بجائے ایک دوسرے پر کچرا پھینکنے میں ہو تو دیکھنے والے مسکرائے بغیر نہیں رہ پاتے۔
کچھ ایسی ہی صورتحال بھارت کے ایک شہر میں پیش آئی جہاں دو خواتین کے جھگڑے کا منظر سی سی ٹی وی کیمرے میں قید ہوگیا۔
جھگڑے کی یہ ویڈیو سوشل میڈیا پر وائرل ہوگئی جس پر صارفین نے اپنے خیالات کا بھی اظہار کیا۔
ویڈیو میں دیکھا جاسکتا ہے کہ محلے میں رہنے والی دو پڑوسی خواتین کے درمیان گھر کے باہر جھاڑو لگانے اور کچرا دوسرے کے دروازے کے سامنے ڈالنے پر جھگڑا ہوا۔
پڑوسی خاتون نے وہی کچرا اٹھا کر اس کے دروازے پر پھینک دیا پھر کیا تھا ، پہلی والی خاتون بھی غصے سے بے قابو ہوگئی۔
وہ دونوں غصے سے اپنی جھاڑوں سے دوسری طرف کچرا پھینکتی ہیں، ایک بوڑھی عورت ان کی لڑائی میں خلل ڈالتی ہے اور انہیں ایک دوسرے سے دور کرنے کوشش ناکام کرتی ہے۔
تاہم خواتین آپس میں لڑتی رہیں اور بعد میں وہ ایک دوسرے پر نالی میں پڑی ہوئی گندگی کو ہاتھوں سے اٹھا کر ایک دوسرے کے دروازے پر پھینکنے لگیں۔
اس ویڈیو کو سوشل میڈیا پر ہزاروں مرتبہ دیکھا گیا اور صارفین دونوں خواتین کے درمیان ہونے والی اس لڑائی سے خوب محظوظ ہوئے۔
