لیسٹر: ویمن کرکٹ ورلڈ کپ میں پاکستان ٹیم کو بھارت کے بعد ایک اور شکست کا سامنا کرنا پڑا، آسٹریلیا نے ایک سو انسٹھ رنز کے بڑے مارجن سے میچ جیت لیا، قومی ویمن ٹیم 131رنز پر ڈھیرہوگئی۔
تفصیلات کے مطابق لیسٹر میں کھیلے گئے میچ میں آسٹریلیا نے ٹاس جیت کر پہلے بیٹنگ کا فیصلہ کیا۔ سات رنز پر اوپنرز کے آؤٹ ہونے کے باوجود آسٹریلین ٹیم دو سو نوے رنز بنانے میں کامیاب ہوگئی۔
پیری 66 رنز کے ساتھ سرفہرست رہیں جبکہ ہیلی نے 63رنز کی ناقابل شکست اننگ کھیلی ۔ان کے علاوہ ویلانی نے 59رنز کی انتہائی شاندار اننگ کھیلی۔
ہدف کےتعاقب میں پاکستان ٹیم کا آغاز ایک بار پھر مایوس کن رہا۔ پوری پاکستان ٹیم ایک سو اکتیس رنز پر ڈھیر ہوگئی۔ ثناء میر 45 رنز کے ساتھ ٹاپ اسکورر رہیں جبکہ ان کے علاوہ کوئی اور کھلاڑی اچھی کارکردگی دکھانے میں کامیاب نہیں ہوا۔
ویمنزورلڈ کپ: بھارت نے پاکستان کو95رنز سے ہرا دیا
آسٹریلیا نے ایک سو انسٹھ رنز سے میچ جیت لیا۔ پاکستان کے آٹھ کھلاڑی ڈبل فیگرز میں بھی داخل نہ ہوسکے۔ پاکستان کی ویمن ورلڈ کپ میں یہ مسلسل چوتھی شکست ہے۔
