The news is by your side.

Advertisement

پی آئی سی حملے میں ملوث کسی وکیل کو نہیں چھوڑیں گے، وزیر صحت پنجاب

لاہور: وزیر صحت پنجاب ڈاکٹریاسمین راشد نے کہا ہے کہ پی آئی سی پر حملے کرنے والے کسی وکیل کو نہیں چھوڑا جائے گا۔

سماجی رابطے کی ویب سائٹ ٹوئٹر پر بیان میں ڈاکٹر یاسمین راشد نے کہا کہ وکلاکاپی آئی سی پرحملہ وحشیانہ ہے جنگوں میں بھی اسپتالوں پرحملہ نہیں ہوتا، پی آئی سی پرحملہ کرکےوکلانےبدترین مثال قائم کی ہے۔

وزیر صحت نے بتایا کہ حملے میں ملوث 34 وکلا کو ابتک گرفتار کیا جاچکا ہے جب کہ فوٹیج دیکھ کرحملےمیں ملوث وکلا کے خلاف کارروائی کریں گے۔

انہوں نے کہا کہ پی آئی سی پرحملہ کر کے وکلانےبدترین مثال قائم کی ہے، ان حملہ آوروں کے خلاف دفعہ 302 کے تحت قتل کی ایف آئی آر کی جائےگی۔

صوبائی وزیر صحت نے یقین دلایا کہ حکومت اپنےڈاکٹرز کو کسی صورت تنہانہیں چھوڑے گی۔

قبل ازیں پریس کانفرنس کرتے ہوئے ڈاکٹریاسمین راشد نے پی آئی سی واقعے میں 3 افراد کے جاں بحق ہونے کی تصدیق تھی۔

Comments

comments

یہ بھی پڑھیں