فن کسی کی میراث نہیں ہوتا اور یہ ثابت کیا پشاور کے نوجوان تیمور نے جو لکڑی کو جیتے جاگتے کرداروں کی شکل دیتا ہے۔
پشاور کا تیمور لکڑے سے ایسے شاہکار بناتا ہے کہ دیکھنے والے بھی دنگ رہ جاتے ہیں۔ باکمال نوجوان آرٹسٹ جب محبت اور لگن کے ساتھ لکڑی کو چھوتا ہے تو پھر ایسی دلکش، دیدہ زیب اور منفرد اشیا کی تخلیق ہوتی ہے جس کو دیکھ کر یقین نہیں آتا کہ یہ لکڑی ہے۔
تیمور کا ہر فن پارہ اپنی الگ کہانی خاموش زبان سے بیان کرتا دکھائی دیتا ہے۔
اس کے فن سے نکھر کر عام سی لکڑی گندھارا تہذیب، ثقافت کی جھلک اور دیہاتی طرز زندگی کی جیتی جاگتی تصویر بھی دکھائی دیتی ہے۔
نوجوان منفرد مصنوعات بنانے کے لیے اپنا ہنر آزماتا ہے اور اس میں اس کی محنت اور شوق کا عروج صاف نظر آتا ہے۔
ویڈیو رپورٹ: نواب شیر
تیمور کا کہنا ہے کہ وہ فن پارے بنانے کے لیے زیادہ تر شیشم کی لکڑی اور بمبو (بانس) کا استعمال کرتا ہے جب کہ عام لکڑی سے بھی کئی چیزیں بنا لیتا ہے۔
ویڈیو رپورٹ: لکڑی کا پراسرار ’’تاج محل‘‘ اور چڑیلوں کا بسیرا، حقیقت کیا؟
باصلاحیت تخلیق کار تیمور اپنا یہ فن دوسروں کو منتقل کرنے کا خواہاں ہے، تاکہ اسلاف کی یہ وراثت زندہ رہے۔ اس کے لیے وہ حکومت اور فن کے قدر دانوں کی سرپرستی اور تعاون کا طلبگار ہے۔
