The news is by your side.

Advertisement

کراچی کی دوسری اسٹریٹ لائبریری کے قیام کے لیے کام کا آغاز

کراچی: کمشنر کراچی افتخار شلوانی نے کہا ہے کہ لیاری میں اسٹریٹ لائبریری ضلعی کارپوریشن جنوبی کے تعاون سے قائم کی جا رہی ہے۔

تفصیلات کے مطابق کراچی کی دوسری اسٹریٹ لائبریری کے قیام کے لیے کام کا آغاز کر دیاگیا، لیاری کے بلوچ چوک پر اسٹریٹ لائبریری قائم ہوگی۔

کمشنر کراچی افتخار شلوانی نے کہا کہ کراچی اور ملک کی دوسری اسٹریٹ لائبریری سے مطالعہ کو فروغ ملےگا،لائبریری ضلعی کارپوریشن جنوبی کے تعاون سے قائم کی جا رہی ہے۔

انہوں نے کہا کہ لائبریری میں ادب،شاعری،تاریخ اور معلومات عامہ کی کتابیں ہوں گی،اسٹریٹ لائبریری میں بچوں کے ادب کاخصوصی شیلف قائم کیا جائے گا، بچوں کو ادب سے روشناس کرانے پر توجہ دی جائےگی۔

یاد رہے کہ گزشتہ سال قائد اعظم محمد علی جناح کی پیدائش پر کراچی میں پہلی اسٹریٹ لائبریری کا افتتاح کیا گیا تھا، سڑک کنارے قائم اس کتب خانے کا مقصد مسافروں کو دوران سفر اورسواری کے انتظار میں وقت گزاری کے لیے کتابیں پڑھنے کا موقع فراہم کرنا ہے، اس منفرد لائبریری کے قیام کو شہری خوش آئند قدم قرار دیا ہے۔

fb-share-icon0
Tweet 20

Comments

comments

یہ بھی پڑھیں