بنکاک، تھائی لینڈ میں ایک انتہائی افسوسناک واقعہ رونما ہوا، الیکٹرانکس فیکٹری میں کام کرنے والی 30 سالہ خاتون نے بیمار ہونے پر چھٹی کے لئے درخواست دی جسے منیجر کی جانب سے مسترد کردیا گیا۔
غیر ملکی ذرائع ابلاغ کے مطابق چھٹی کی درخواست مسترد کئے جانے پر خاتون نوکری سے ہاتھ دھونے کے خطرے کے باعث فیکٹری پہنچ تو گئی مگر 20 منٹ بعد ہی زمین پر گر پڑی کرگئی۔
میڈیا رپورٹس کے مطابق تھائی لینڈ میں ایک الیکٹرانکس فیکٹری میں کام کرنے والی خاتون نے آنتو کی بیماری کے باعث ابتدائی طور پر 5 سے 9 ستمبر تک بیماری کی چھٹی کی درخواست دی تھی، خاتون نے ساتھ ہی اپنا میڈیکل سرٹیفکیٹ بھی جمع کرایا۔
فیکٹری نے چھٹی کی درخواست ملنے پر علاج کے لئے خاتون کو چار دن کی چھٹی دے دی، تاہم، 12 ستمبر کو، جب خاتون کی صحت کام کرنے کی وجہ خراب ہوئی تو اس نے مزید دو دن کی چھٹی کا تقاضہ کیا۔
خاتون کی بگڑتی ہوئی حالت کے باوجود، مینیجر نے اس کی درخواست کو مسترد کر دیا، ساتھ ہی یہ بھی کہا کہ وہ پہلے ہی کافی چھٹیاں لے چکی ہے۔
نوکری چلے جانے کے خوف سے خاتون کام پر واپس تو آگئی لیکن اپنی شفٹ میں کام کے دوران صرف 20 منٹ بعد ہی زمین پر گر پڑی، اسے فوری طور پر ہسپتال لے جایا گیا جہاں ڈاکٹروں نے اس کی ہنگامی سرجری کی، لیکن اگلے ہی دن خاتون جان سے ہاتھ دھو بیٹھی۔
جاپانی باکسر کو 46 سال جیل میں کیوں گزارنے پڑے؟
خاتون کی موت کے بعد فیکٹری انتظامیہ کی جانب سے گہرے دکھ اور افسوس کا اظہار کیا اور اعلان کیا گیا کہ اس معاملے کی مکمل تحقیقات کی جائیں گی۔
