The news is by your side.

Advertisement

کینڈی بنانے والے کارخانے میں 2 مزدور چاکلیٹ کے ٹینک میں گر گئے

امریکا میں کینڈی بنانے والے کارخانے میں 2 مزدور چاکلیٹ کے ٹینک میں گر گئے، ریسکیو عملے نے دونوں کو ٹینک سے نکالا تاہم دونوں ممکنہ طور پر زخمی ہیں۔

بین الاقوامی ویب سائٹ کے مطابق امریکا میں کینڈی بنانے والے کارخانے میں موجود چاکلیٹ کے ایک ٹینک میں گرنے والے 2 مزدوروں کو بچا لیا گیا ہے۔

یہ واقعہ جمعرات کو ریاست پنسلوانیا میں واقع مارس ریگلی کینڈی فیکٹری میں پیش آیا، یہ دو مزدور چاکلیٹ کے ٹینک میں کمر تک دھنسے ہوئے تھے اور وہ کسی کی مدد کے بغیر ٹینک سے نکلنے کے قابل نہیں تھے۔

لانکاسٹر کاؤنٹی 911 کے کمیونیکیشن سپروائزر کے مطابق ایمرجنسی خدمات سے متعلق عملے کو ان دو مزدوروں کو نکالنے کے لیے ٹینک کے ایک جانب سوراخ کرنا پڑا۔

مقامی میڈیا نے ایلزبتھ ٹاؤن میں واقع اس بڑے کارخانے کے باہر پولیس اور ایمرجنسی سروس کی متعدد گاڑیوں کی ویڈیوز بھی نشر کی ہیں۔

ٹینک سے نکالنے کے بعد مزدوروں کو اسپتال منتقل کیا گیا، لیکن ان کی صحت کے بارے میں مقامی میڈیا میں ابھی تک کوئی اطلاعات نہیں ہیں۔

Comments

یہ بھی پڑھیں