پاکستان تحریک انصاف کےسربراہ عمران خان کا کہنا ہے کہ عالمی بینک بھی اب خیبرپختونخواہ حکومت کی کاوشوں کا اقرارکرنے لگا ہے۔
عمران خان نے اپنے ٹویٹر سے ایک ٹویٹ کیا جس میں انہوں نے عالمی بینک کی ایک
رپورٹ شیئرکرتے ہوئے کہا ہے کہ ورلڈ بینک بھی خیبر پختونخواہ میں تبدیلی کا اقرار کررہاہے۔
World Bank acknowledges
change in KP: Innovating Against Odds: How a Province in Pakistan is Transforming Itself http://t.co/0QZ4He0WsL
— Imran Khan (@ImranKhanPTI) September 29, 2015
ورلڈ بینک کی ویب سائٹ پر شائع شدہ رپورت میں کہا گیا ہے کہ عدم استحکام کا شکار پاکستان کے شمالی صوبے میں ورلڈ بینک خیبرپختونخواہ کی حکومت کے تعاون سے نوجوانوں کو ٹیکنالوجی کے میدان میں آگے بڑھانے کے لئے سرگرم عمل ہے۔
رپورٹ میں مزید کہا گیا ہے کہ اسی مقصد کے تحت خیبر پختونخواہ میں منعقد ہونےوالی ڈیجیٹل یوتھ سمٹ پاکستان کی پہلی ٹیکنالوجی کانفرنس کی حیثیت اختیار کرچکی ہے۔
رپورٹ میں یہ بھی کہا ہے اس پلیٹ فارم کے تحت کئی نوجوان کامیاب کاروبار شروع کرنے میں کامیاب ہوچکے ہیں۔