اسلام آباد : عالمی بینک نے قرض کے لیے پاکستان سے پراپرٹی کے لین دین پر درست قیمت کے تعین کا مطالبہ کردیا۔
تفصیلات کے مطابق عالمی بینک نے پاکستان سے قرض کے لیے ٹیکس اصلاحات کا مطالبہ کردیا۔
ذرائع نے بتایا کہ عالمی بینک نے پراپرٹی کے لین دین پر درست قیمت کے تعین کا مطالبہ کیا ہے، جس کے بعد پراپرٹی کی ویلوایشن ریٹ بڑھانے پر غور کیا جارہا ہے۔
- Advertisement -
ذرائع کا کہنا ہے کہ یکم اگست سے پراپرٹی کی ویلیوایشن میں 13 تا 15 فیصد اضافے کی تیاریاں جاری ہے، ڈی سی ریٹ کے لیے شہروں کی تعداد 42 سے بڑھا کر 51 کرنے پر غور کیا جارہا ہے۔
ذرائع نے کہا ہے کہ ایف بی آر پراپرٹی ویلوایشن میں مزید 9 شہر شامل کرنے پر غور کررہی ہے، پراپرٹی ویلوایشن کے لیے بھکر، چارسدہ اور چنیوٹ، خانیوال، خوشاب اور لیہ ، میانوالی، سبی اور صوابی کو شامل کرنے پر غور کیا جارہا ہے۔