اسلام آباد: عالمی بینک نے پشاور، طور خم، کابل موٹر وے کی تعمیر کے لیے اپنے تعاون کی یقین دہانی کرا دی ہے۔
تفصیلات کے مطابق وزیرِ خارجہ شاہ محمود قریشی سے ورلڈ بینک کے جنوبی ایشیا کے ریجنل نائب صدر نے ملاقات کی، ملاقات میں عالمی بینک کے ریجنل نائب صدر نے تعمیراتی منصوبوں میں تعاون کی یقین دہانی کرائی۔
عالمی بینک کے ریجنل نائب صدر ہارٹ وگ شیفر نے ملاقات کر کے وزیرِ خارجہ شاہ محمود قریشی کو منصب سنبھالنے پر مبارک باد دی۔
ورلڈ بینک کے نمائندے اور وزیرِ خارجہ کے مابین سماجی و اقتصادی ترقی، زرعی شعبے کی تعمیرِ نو اور علاقائی تعاون پر بھی تبادلۂ خیال کیا گیا۔
ملاقات میں کاسہ 1000 اور پشاور، طور خم، کابل موٹر وے کی تعمیر کے سلسلے میں تعاون پر تبادلۂ خیال کیا گیا، ہارٹ وگ شیفر نے ورلڈ بینک کی جانب سے بھرپور تعاون کی یقین دہانی کرائی۔
.@Illango_WB and I met with @SMQureshiPTI, Federal Minister of Foreign
Affairs. During our meeting, he apprised me of the Government’s vision on
foreign policy with its neighbors and beyond, and their efforts to address
barriers to regional trade. @PTIofficial— Hartwig Schafer (@HartwigSchafer) August 29, 2018
شاہ محمود قریشی نے ملاقات میں ورلڈ بینک کے ریجنل صدر کو پڑوسی ممالک اور باقی دنیا کے ساتھ خارجہ پالیسی پر پاکستان کے وژن سے آگاہ کیا، وزیرِ خارجہ نے کہا کہ وہ علاقائی تجارت میں درپیش رکاوٹوں کو دور کرنے کے لیے کوششیں کر رہے ہیں۔
محبت اور دوستی کا پیغام لے کر افغانستان جانا چاہتا ہوں: شاہ محمود قریشی
خیال رہے کہ وزیرِ خارجہ شاہ محمود قریشی نے منصب سنبھالنے کے بعد کہا تھا کہ وہ اپنا پہلا غیر ملکی دورہ افغانستان کا کرنا چاہتے ہیں۔ محبت، دوستی اور ایک نئے آغاز کا پیغام لے کر افغانستان جانا چاہتے ہیں۔
