دنیا کا سب سے بڑا دروازہ مکہ مکرمہ میں مسجد الحرام میں نصب ہے جس کو دنیا باب ملک عبداللہ کے نام سے جانتی ہے۔
مسجد الحرام دنیا کی سب سے بڑی مسجد ہے اور اس میں نصب ایک دروازہ بھی دنیا کا سب سے بڑا دروازہ ہے جس کو سب باب ملک عبداللہ کے نام سے جانتے ہیں۔
سبق نیوز کے مطابق مسجد الحرام میں زائرین کی آمد ورفت میں سہولت کے لیے 196 دروازے ہیں جن میں سب سے بڑا ’ باب ملک عبداللہ‘ ہے جو دنیا کا سب سے بڑا دروازہ مانا جاتا ہے۔
باب ملک عبداللہ کی اونچائی 13.3 میٹر، چوڑائی 7.7 میٹر اور وزن 14 ٹن ہے۔ یہ کسی بھی مقام یا عمارت میں نصب کیا جانے والا اب تک کا سب سے بڑا دروازہ ہے۔
کرہ ارض پر واقع سب سے مقدس مقام مسجد الحرام میں دنیا بھر سے لاکھوں زائرین و عازمین حج کی آمد کا سلسلہ جاری رہتا ہے۔ ان کی سہولت کے لیے مسجد کی چاروں سمتوں میں مزید 196 بڑے دروازے نصب ہیں۔
رمضان المبارک اور ایام حج میں زائرین کی سہولت کے لیے تمام دروازے کھول دیے جاتے ہیں تاکہ زائرین کو کسی قسم کی دشواری کا سامنا نہ کرنا پڑے اور آمد و رفت کا سلسلہ بغیر کسی رکاوٹ کے جاری رہے۔
مسجد الحرام میں نصب ’شاہ عبداللہ گیٹ‘ اپنی بناوٹ اور سجاوٹ میں اپنی مثال آپ ہے۔ یہ دنیا کا سب سے بڑا دروازہ ہے جو مملکت کے سابق فرمانروا شاہ عبداللہ بن عبدالعزیز کی جانب سے کی جانے والی توسیع کا منہ بولتا ثبوت ہے۔
