ورلڈ کپ کے 29 ویں میچ میں دفاعی چیمپئن انگلینڈ نے میگا ایونٹ کی نا قابل شکست ٹیم بھارت نے چار وکٹوں کے نقصان پر 131 رنز پر گر گئی
بھارت میں جاری آئی سی سی ون ڈے ورلڈ کپ میں لکھنو کے اٹل بہاری باجپائی اسٹیڈیم میں میگا ایونٹ کے 29 ویں میچ میں دفاعی چیمپئن انگلینڈ نے میزبان انڈیا کے خلاف ٹاس جیت کر پہلے فیلڈنگ کا فیصلہ کیا ہے۔ انگلش کپتان کا یہ فیصلہ بولرز نے ابتدا میں 3 وکٹیں لے کر درست ثابت کر دیا ہے۔
انڈیا کی جانب سے کپتان روہت شرما اور شبھمن گل نے اننگ کا آغاز کیا تاہم پانچویں اوور میں بھارت کو گل کی صورت پہلا نقصان برداشت کرنا پڑا۔ ووکس نے 26 کے مجموعی اسکور پر شبھمن کو 9 کے انفرادی اسکور پر بولڈ کر دیا۔ ویلے نے ان فارم بیٹر ویرات کوہلی کو کھاتہ کھولنے کی زحمت نہ دی۔ شریاس ائیر صرف 4 رنز کے مہمان ثابت ہوئے اور ووکس کی دوسری وکٹ بن گئے۔
40 رنز پر تین وکٹیں گر جانے کے بعد کپتان روہت شرما اور کے ایل راہول نے احتیاط کا دامن تھامتے ہوئے اسکور بورڈ کو آہستہ آہستہ متحرک رکھا۔ اس دوران شرما نے میگا ایونٹ میں اپنی تیسری نصف سنچری مکمل کی۔
بھارت کا 30 اوور میں اسکور 131 رنز تک پہنچا تھا کہ کے ایل راہول نے ویلے کو اونچا شاٹ مارنے کی ناکام کوشش کی اور باؤنڈری لائن کے قریب جونی برسٹو کا کیچ بن گئے۔ دونوں بیٹرز کے درمیان 91 رنز کی پارٹنر شپ قائم ہوئی۔
اس وقت کریز پر کپتان روہت شرما 79 رنز کے ساتھ موجود ہیں نئے آنے والے بیٹر سوریا کمار یادیو نے چوکے کے ساتھ اپنا کھاتہ کھولا ہے۔
اس سے قبل انگلش کپتان جوز بٹلر نے ٹاس کے بعد گفتگو کرتے ہوئے کہا کہ ابھی تک ٹورنامنٹ میں اچھا نہیں کھیل سکے ہیں تاہم آج ٹاپ ٹیم کے خلاف اچھا پرفارم کرنا اور اپنا بہترین کھیل دکھانا چاہتے ہیں۔
بھارتی کپتان روہت شرما نے کہا کہ ہم اچھی کرکٹ کھیل رہے ہیں ٹاس سے اتنا فرق نہیں پڑتا اگر ہم ٹاس جیتتے تو پہلے بیٹنگ ہی کرتے۔
واضح رہے کہ ورلڈ کپ میں بھارت کی فتوحات لگا تار تو انگلش ٹیم مسلسل شکستوں سے دو چار ہے۔ میگا ایونٹ میں انڈیا اب تک اپنے پانچوں میچ جیت کر نا قابل شکست اور پوائنٹس ٹیبل پر دوسرے نمبر پر ہے جب کہ انگلینڈ نے پانچ میں سے صرف ایک میچ جیتا ہے اور دو پوائنٹ کے ساتھ سب سے نچلی (دسویں) پوزیشن پر ہے۔
آج کے میچ میں بھارت کی فتح اسے سیمی فائنل میں پہنچنے والی پہلی ٹیم بنا دے گی جب کہ انگلینڈ کی شکست اسے خالی ہاتھ وطن واپسی کا ٹکٹ تھما دے گی۔
ہیڈ ٹو ہیڈ مقابلوں میں بھارت کا پلڑا بھاری ہے۔ جس نے 106 میچوں میں 57 جیت رکھ ہیں جب کہ انگلینڈ نے 44 میں جیت اپنے نام کی ہے۔ تاہم ورلڈ کپ میں انگلش ٹیم کو سبقت ہے جس نے 8 باہمی میچز میں سے چار جیت رکھے ہیں تین میں فتح بھارت کے نام رہی جب کہ ایک میچ برابر رہا ہے۔
آج کے میچ کے لیے دونوں ٹیموں میں کوئی تبدیلی نہیں کی گئی ہے۔
انگلینڈ:
جوز بٹلر (کپتان)، جونی برسٹو، ڈیوڈ میلان، جو روٹ، بین اسٹوکس، لیام لیونگ اسٹون، معین علی، کرس ووکس، ڈیوڈ ویلی، عادل راشد اور مارک ووڈ۔
بھارت:
روہت شرما (کپتان)، شبھمن گل، ویرات کوہلی، شریاس ائیر، کے ایل راہول، سوریا کمار یادیو، رویندرا جڈیجہ، محمد شامی، جسپرت بمراہ، کلدیپ یادیو، محمد سراج۔
