قومی ٹیم کے سابق کپتان شعیب ملک نے قومی ٹیم کے ایک کھلاڑی کو بہترین آپشن قرار دے دیا۔
آئی سی سی ورلڈ کپ کا باقاعدہ آغاز کل سے انگلینڈ اور نیوزی لینڈ کے درمیان میچ سے ہوگا، قومی ٹیم اپنا پہلا میچ 6 اکتوبر کو نیدرلینڈز کے خلاف کھیلے گی۔
ورلڈ کپ کے وارم اپ میچز میں پاکستان کو نیوزی لینڈ اور آسٹریلیا سے شکست کا سامنا کرنا پڑا۔
قومی ٹیم کی کارکردگی پر سابق کرکٹرز کی جانب سے تجزیے کیے جارہے ہیں اور بابر اعظم، شاہین آفریدی، محمد رضوان کی کارکردگی پر اظہار خیال کیا جارہا ہے۔
تاہم سابق کپتان شعیب ملک نے کہا کہ پاکستانی ٹیم سے سب کی امیڈیں جڑی ہوئی ہیں، سعود شکیل ایک مین بیٹر کے طور پر بہترین آپشن ہیں۔
انہوں نے کہا کہ پاکستان ٹیم اگر 700 رنز کھاچکی تو دیگر کو بھی اتنے رنز اسکور ہوئے ہیں۔
شعیب ملک نے کہا کہ نسیم شاہ، حاث رؤف اور شاہین آفریدی کی جوڑی بن چکی تھی، بدقسمتی سے اب نسیم شاہ اسکواڈ میں نہیں ہیں۔
سابق کپتان نے کہا کہ اب دیگر بولرز کو بھی موقع دینا چاہیے تھا تاکہ وہ ایڈجسٹ ہوں۔
