بیونس آئرس:فیفا فٹبال ورلڈکپ 2022 جیتنے والی ارجنٹینا کی ٹیم اپنے وطن واپس پہنچ گئی ہے۔
تفصیلات کے مطابق فیفا ورلڈ کپ 2022 کی فاتح میسی ارجنٹینا اپنے وطن واپس پہنچ گئی ہے جہاں ان کا شاندار استقبال کیا گیا ہے۔
غیر ملکی میڈیا کے مطابق آج ارجنٹینا میں فاتح ٹیم کی آمد کے باعث ایام تعطیل ہے جس کی وجہ سے صبح سویرے ہی بڑی تعداد میں مداح ائیرپورٹ پہنچ گئے۔
لائنل میسی کے ہزاروں مداح ٹیم کا ویلکم کرنے کیلئے ایئرپورٹ پر موجود ہیں، اس کے علاہ ارجنٹینا میں عوام اپنے ہیروز کا گرمجوشی سے استقبال کرنے کیلئے سڑکوں پر نکل آئے ہیں۔
شہر کے مختلف مقامات پر جشن کا سماں ہے، چھوٹے بڑے سب ہی ارجنٹینا کے عالمی چمپئین بننے پر خوشی سے نہال ہیں۔
اسٹار لائنل میسی کی قیادت میں ارجنٹینا دفاعی چیمپئن فرانس کو پینلٹی ککس پر 4 کے مقابلے میں دوگول سے شکست دے کر چھتیس سال بعد تیسری مرتبہ عالمی چیمپئن بنا ہے۔
