آئی سی سی کرکٹ ورلڈکپ میں آئے روز کچھ نہ کچھ ایسا ہورہا ہے جس سے عالمی ایونٹ کے لیے بھارت کے ناقص انتظامات آشکار ہورہے ہیں۔
نیوزی لینڈ کے پلیئر گلین فلپس حیدرآباد میں پریس کانفرنس کررہے تھے کہ اس دوران لائٹ چلی گئی اور کمرے میں اندھیرا چھا گیا۔ اس واقعے کی تصاویر انٹرنیشنل کرکٹ کونسل نے بھی اپنے آفیشل اکاؤنٹ پر شیئر کی ہیں۔
نیدر لینڈز کے خلاف میچ سے قبل میڈیا سے بات کرنے کے لیے گلین فلپس کی پریس کانفرنس جاری تھی کہ اچانک بجلی کی سپلائی معطل ہوگئی اور کمرہ تاریکی میں ڈوب گیا جس پر فلپس ہنستے ہوئے بھی نظر آئے جب کہ آئی سی سی نے بھی طنزیہ ٹوئٹ کرڈالی۔
انٹرنیشنل کرکٹ کونسل کی جانب سے کیوی پلیئر کی جو تصاویر جاری کی گئی ہں اس میں وہ موبائل ٹارچ کے ساتھ میڈیا سے بات کررہے ہیں، سوشل میڈیا پر یہ تصاوری تیزی سے وائرل ہوگئیں۔
ایکس پر شیئر کردہ تصاویر کے کیپشن میں آئی سی سی نے لکھا کہ ’ہمارا مقصد لائٹس بند کرنا نہیں تھا، لیکن شاید ہم آنے والے دنوں میں اکثر ایسا کریں‘، ساتھ ہی انھوں نے ایموجی بھی بنائی۔
We didn't mean to turn the lights out, but maybe we'll do it more often 🔦 🔥#CWC23 pic.twitter.com/ELXHe9iXsH
— ICC (@ICC) October 8, 2023
مزے کی بات یہ ہے یہ بجلی کی سپلائی معطل ہونے کے بعد ہال میں موجود صحافیوں نے اپنے موبائل نکالے اور فلیش لائٹ آن کی جس کے بعد سوال و جواب کا سلسلہ جاری رہا۔
خیال رہے کہ حیدرآباد کے راجیو گاندھی اسٹیڈیم میں کھیلے گئے شوپیس ایونٹ کے چھٹے میچ میں نیوزی لینڈ نے نیدرلینڈز کو 99 رنز سے شکست دی تھی۔
