لاہور: ورلڈ الیون کے کوچ اینڈی فلاور نے کہا ہے کہ پاکستان کا دورہ ٹیم کے ہرکھلاڑی کیلئے یادگار ہوگا، دورے کا مقصد پیسے سے بہت آگے ہے، پاکستانی شائقین کرکٹ سے محبت کرتے ہیں۔
تفصیلات کے مطابق زمبابوے سے تعلق رکھنے والے ورلڈ الیون کے کوچ اینڈی فلاور پاکستان میں انٹرنیشنل کرکٹ کی بحالی کیلئے پرجوش ہیں۔
اپنے ایک بیان میں اینڈی فلاور کا کہنا ہے کہ ورلڈ الیون کے دورہ پاکستان کا مقصد پیسے سے بہت آگے ہے۔ سابق زمبابوین کرکٹر نے کہا کہ پاکستانی عوام کرکٹ سے محبت کرتی ہے، پاکستان آنے کیلیے ورلڈ الیون میں بہترین کرکٹرزشامل ہیں۔
مزید پڑھیں: ورلڈ الیون کا دورہ پاکستان، شیڈول ترتیب دے دیا گیا
بین الاقوامی کرکٹ کی محفوظ بحالی میں پہلا قدم بننے پر وہ بہت خوش ہیں۔ اینڈی فلاور نے کہا کہ ورلڈ الیون میں دنیا کے بہترین کرکٹرز کو شامل کیا گیا ہے۔
مزید پڑھیں: دورہ پاکستان: ورلڈ الیون کے اسکواڈ کا اعلان
ورلڈ الیون کے کھلاڑی سیکیورٹی کے اقدامات سے پوری طرح مطمئن ہیں، کھلاڑیوں کو معاوضہ بھی اچھا دیا جا رہا ہے، ورلڈ الیون کے کوچ نے کہا کہ غیر ملکی کرکٹرز کے لئے دورہ پاکستان یادگار ہوگا۔
مزید پڑھیں: ورلڈ الیون کی آمد، قومی کرکٹ ٹیم کے اسکواڈ کا اعلان
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
