آج کا دن دوسروں کے لیے مہربانیوں کے نام -
The news is by your side.

Advertisement

آج کا دن دوسروں کے لیے مہربانیوں کے نام

آج دنیا بھر میں مہربانی کا عالمی دن منایا جارہا ہے۔ اس دن کو منانے کا مقصد لوگوں کو ایک دوسرے کی مدد کرنے پر راغب کرنا ہے۔

اس دن کو منانے کا آغاز سنہ 1998 سے کیا گیا جب جاپان کے دار الحکومت ٹوکیو میں عالمی تحریک برائے مہربانی یعنی ورلڈ کائنڈنیس موومنٹ کی بنیاد رکھی گئی تھی۔ تب سے آج تک اس کی اہمیت اور افادیت میں روز افزوں اضافہ ہوتا جا رہا ہے۔

آج کل کے نفسانی نفسی کے اس دور میں رحم پروری اور کرم نوازی انسانی معاشرے کی اہم ضرورت بن گئی تاکہ مسائل میں الجھے ہوئے لوگوں سے مہربانی کا سلوک کر کے ان کے چند لمحات کو خوشگوار بنایا جاسکے۔

آج مہربانی کے عالمی دن پر آپ چند معمولی سے کام کر کے اپنا اور اپنے آس پاس موجود افراد کا دن بہترین بنا سکتے ہیں۔

اپنے کسی دوست یا گھر کے فرد کو ایسا ٹیکسٹ بھیجیں جس سے اسے علم ہو کہ آپ اسے یاد کر رہے ہیں۔

کسی اجنبی شخص کو دیکھ کر مسکرائیں۔

دفتر میں کسی ساتھی کے لباس کی تعریف کریں۔

کسی کو کافی بنا کر دیں۔

اپنے شریک حیات کے کاموں میں اس کا ہاتھ بٹائیں۔

دوستوں کے ساتھ چاکلیٹ کا تبادلہ کریں۔

پبلک ٹرانسپورٹ میں سفر کرتے ہوئے کسی اجنبی کا کرایہ ادا کردیں۔

بارش کے موقع پر اپنی چھتری کسی کے ساتھ شیئر کریں۔

اپنے پڑوسیوں کو کوئی کھانے کی چیز بھجوائیں۔

کسی ایسے عزیز کے گھر غیر متوقع طور پر جا پہنچیں جس سے آپ عرصے سے نہیں ملے۔

کسی جانور یا پرندے کو کھانا دیں۔

مزید پڑھیں: یہ منفرد نیکیاں آپ کی بخشش کا سامان بن سکتی ہیں

Comments

comments

یہ بھی پڑھیں