مکہ: دنیا کا سب سے بڑا ہوٹل رواں سال کھول دیا جائے گا World Largest Hotel
The news is by your side.

Advertisement

مکہ: دنیا کا سب سے بڑا ہوٹل رواں سال کھول دیا جائے گا

ریاض: مکہ المکرمۃ میں واقع دنیا کا سب سے بڑا ہوٹل ابراج کدائی رواں سال عوام کے لیے کھول دیا جائے گا۔

تفصیلات کے مطابق سعودی عرب کے شہر مکہ المکرمۃ میں تعمیر ہونے والے اس ہوٹل میں 10 ہزار کمرے ہیں اور یہ 14 لاکھ اسکوائر میٹر کے رقبے پر پھیلا ہوا ہے۔

سعودی حکومت اس ہوٹل کی تعمیر کے لیے  3.5 ارب ڈالرز خرچ کرے گی جو پاکستانی روپے کے حساب سے تین کھرب 65 ارب بنتے ہیں۔

دس ہزار کمروں پر مشتمل اس ہوٹل کا پانچواں فلور شاہی خاندان کے لیے مختص کیا گیا ہے اور یہ ہوٹل مسجد الحرام سے صرف دو کلومیٹر پر واقع ہے جہاں ہر سال لاکھوں عازمین حج اور عمرہ زائرین رہائش اختیار کرسکیں گے۔

اس ہوٹل میں 12 ٹاورز ہیں اور بلڈنگ میں موجود 10 ہوٹل میں 4 اسٹارز کی سہولیات فراہم کی جائیں گی جبکہ دو میں 5 اسٹار سہولیات دی جائیں گی اور وہ کمرے اہم افراد کے لیے مختص کیے جائیں گے۔

ہوٹل کی تعمیر کے لیے رقم سعودی وزیر خزانہ نے فراہم کی جبکہ اس کا ڈیزائن بین الاقوامی کمپنی دارالاہندسہ نے تیار کیا ہے، ہوٹل اتنا بڑا ہے کہ یہاں سے شہر کے دوسرے علاقے  اور قصبے چھوٹے دکھائی دیں گے۔

پڑھیں: ’’ سعودی عرب کا تفریحی شہر بنانے کا اعلان ‘‘

مزید پڑھیں: ’’ دبئی ، دنیا کی پہلی گھومنے والی عمارت کی تعمیر کا آغاز ‘‘

Comments

comments

یہ بھی پڑھیں