site
stats
عالمی خبریں

ڈونلڈ ٹرمپ کے امریکی صدرمنتخب ہونے کوعالمی میڈیا نے بڑا اپ سیٹ قراردیا

واشنگٹن: ڈونلڈ ٹرمپ کے امریکی صدر منتخب ہونے کو عالمی میڈیا نے بھی بڑا اپ سیٹ قراردیا ہے، امریکا میں جاری ٹرمپ مخالف مظاہروں کو تمام اخبارات اور چینلز نے نمایاں کوریج دی۔

ڈونلڈ ٹرمپ کی جیت نے دنیا میں ہلچل مچا دی، عالمی میڈیا نے ڈونلڈ ٹرمپ کی جیت کو بڑا سرپرائز قراردیا، ٹرمپ کے صدرمنتخب ہونے کے بعد امریکا میں ہونے والے احتجاج کی خبروں کی بھی نمایاں کوریج کی گئی۔

سی این این نے ناٹ مائی پریزیڈنٹ کے پلے کارڈز کو نمایاں طور پر شائع کیا، لاس اینجلس ٹائمز کا کہنا ہے ٹرمپ کے انتخاب کے بعد کڑے وقت کے لئے تیاررہنا ہوگا۔

trump-post-1

یوایس اے ٹوڈے نے کہا ٹرمپ کے صدربنتے ہی مظاہرے بھی شروع ہوگئے ہیں جبکہ امریکا میں مسلمان اور عرب خوف میں مبتلا ہوگئے ہیں۔

ٹیلی گراف کا کہنا ہے ٹرمپ کے صدربننے کا ردعمل مظاہروں کی صورت میں سامنے آگیا، برطانوی اخبار ٹیلی گراف نے لکھا کہ عالمی میڈیا کہہ رہا ہے او خدایا، امریکا نے یہ کیا کردیا۔

دی انڈیپینڈنٹ کا کہنا ہے کہ ٹرمپ کی شاکنگ فتح کے بعد مسلمانوں کو حجاب نہ پہننے کی وارننگ ملنے لگی۔

دوسری جانب ڈونلڈٹرمپ کےصدرمنتخب ہونےکےخلاف امریکہ کی مختلف ریاستوں میں احتجاج کاسلسلہ جاری ہے مظاہرین کا کہنا ہے کہ  وہ ڈونلڈ ٹرمپ کو صدر نہیں مانتے۔


مزید پڑھیں : ڈونلڈ ٹرمپ امریکہ کے نئے صدر منتخب ہوگئے


واضح رہے کہ ڈونلڈ ٹرمپ گزشتہ روزہیلری کلنٹن کوشکست دے کرامریکا کے صدرمنتخب ہوئے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top