The news is by your side.

Advertisement

فوٹو گرافی کا عالمی دن: تصاویر کو خوبصورت بنانے والی کیمرا ٹرکس

آج کل زندگی کے ہر لمحے کو تصاویر میں قید کرنا نہایت ضروری ہوگیا ہے، اس ضرورت کے ساتھ بہترین کیمرے (جو کہ زیادہ تر اسمارٹ فونز میں ہوتے ہیں) اور نئی نئی کیمرہ ٹرکس بھی سامنے آتی جارہی ہیں۔

یہ کیمرہ ٹرکس عام سی تصاویر کو بھی نہایت خاص اور خوبصورت بنا دیتے ہیں۔

آج فوٹو گرافی کے عالمی دن پر ہم آپ کو ایسی ہی کچھ ٹرکس بتا رہے ہیں جنہیں اپنا کر آپ نہایت شاندار تصاویر حاصل کرسکتے ہیں۔


موبائل فون کو کیمرے کے لینس کے نزدیک رکھ کر تصویر کھینچیں، اس طرح سے کھینچی جانے والی تصویر میں ایک خوبصورت عکس بھی موجود ہوگا۔

ٹی وی کی تصاویر کو اس طرح کھینچیں کہ وہ ٹی وی سے باہر کی دنیا کا حصہ معلوم ہو۔

کسی عام سے بیک گراؤنڈ میں موجود درخت، پتے اور پھول زوم ہو کر نہایت خوبصورت بیک گراؤنڈ تشکیل دے سکتے ہیں۔

تصاویر میں بارش بہت خوبصورت لگتی ہے، لیکن اس کے لیے آپ کو اصل بارش میں جا کر اپنا کیمرہ خراب کرنے کی ضرورت نہیں۔ یہ تاثر آپ کچھ یوں بھی پیش کرسکتے ہیں۔

آبجیکٹ کے چہرے پر پتوں کے عکس سے تصویر نہایت خوبصورت ہوسکتی ہے۔ اس کے لیے پتوں کو کیمرے کے آگے اور ذرا سا دور کرلیں۔

یہ تکنیک کچن کی مختلف اشیا کے ذریعے بھی استعمال کی جاسکتی ہے۔

جانوروں اور بچوں کی تصاویر کھینچتے ہوئے آپ چاہتے ہیں کہ وہ کیمرے کی طرف دیکھیں تو کیمرے کے اوپر کوئی دلچسپ شے رکھ دیں۔

کیمرے کے آگے لائٹر رکھ کر بھی خوبصورت تصاویر حاصل کی جاسکتی ہیں۔

سورج نکلنے سے ذرا پہلے ایک قدرتی نیلی روشنی موجود ہوتی ہے، اس لمحے کو بلیو آور کہا جاتا ہے۔ اس وقت کھینچی جانے والی تصاویر بھی نہایت خوبصورت آتی ہیں۔

اسی طرح ایک گولڈن آور کا وقت بھی تصاویر کھینچنے کے لیے نہایت موزوں ہوتا ہے جب سورج غروب ہونے والا ہوتا ہے اور دھوپ ڈھل چکی ہوتی ہے، ایسے میں ہلکی سی دھوپ چھاؤں آپ کی تصاویر کو نہایت خوبصورت بنا سکتی ہے۔

Comments

comments

یہ بھی پڑھیں