سعودی عرب کے شہر ریاض میں دنیا کا بلند ترین ٹاور تعمیر کیا جائے گا، جس کی اونچائی دو کلو میٹر ہو گی۔
غیر ملکی ذرائع ابلاغ کا اس حوالے سے کہنا ہے کہ ’architects journal‘ نے بتایا کہ برطانوی کمپنی ریاض میں تعمیر ہونے والے بلند ترین ٹاور کا ڈیزائن تیار کر رہی ہے۔
امکان ظاہر کیا جارہا ہے کہ سعودی عرب کے شہر ریاض میں تعمیر ہونے والا ٹاور برج خلیفہ سے بلند ہوگا جو دنیا کا سب سے بلند ٹاور ہے اور اس کی اونچائی 829.8 میٹر ہے۔
- Advertisement -
ریاض میں تعمیر ہونے والا ٹاور کنگ خالد ایئرپورٹ کے نزدیک تعمیر کیا جائے گا، تاہم اس کے بارے میں مزید تفصیلات کا اعلان ابھی تک سامنے نہیں آیا ہے۔
دنیا کے بلند ترین ٹاور کی دوبارہ تعمیر کیلیے بولی شروع
نیا ٹاور جدہ میں زیر تعمیر ٹاور سے بھی بلند ہوگا، جس کی بلندی ایک کلو میٹر بتائی جارہی ہے جبکہ یہ ٹاور امریکہ میں بلند ترین ٹاور سے چار گنا اونچا ہوگا۔
