لندن: جنگ عظیم دوم میں برطانوی فوج کے لیے لڑنے والے 99 سالہ سابق سپاہی نے کروناوائرس کو شکست دے دی، اسپتال میں نرسوں اور عملے نے خصوصی گارڈ آف آنر پیش کیا۔
غیرملکی خبررساں ادارے کی رپورٹ کے مطابق 99 سالہ ’البرٹ چھیمبر‘ نامی شہری کروناوائرس کا شکار ہونے پر برطانیہ کے علاقے ’ڈونکاسٹر‘ میں قائم اسپتال میں زیرعلاج تھا، مذکورہ شخص جنگ عظیم دوم میں بطور برطانوی فوجی اہلکار لڑ چکا ہے۔ صحت یابی کے بعد اسپتال سے ڈسچارج ہونے پر عملے نے خصوصی گارڈ آف آنر پیش کیا۔
رپورٹ میں کہا گیا ہے سابق فوجی رواں سال جولائی میں 100 سال کے ہوجائیں گے، مذکورہ شہری کو تین ہفتے قبل پاؤں میں درد کے باعث اسپتال لایا گیا، جہاں کرونا کی علامات ظاہر ہونے پر ٹیسٹ کیا گیا جو مثبت آیا۔
Some lovely news coming from Doncaster this evening.
Albert Chambers, who will be 100 in July, and a WW2 veteran, has fought off Coronavirus thanks to the help of the team at Tickhill Road Hospital, run by @rdash_nhs. Here he is getting a guard of honour from staff 💙 pic.twitter.com/INkBIuTJ5F
— NHS North East & Yorkshire (@NHSNEY) April 9, 2020
انہوں نے اسپتال کی جانب سے دیکھ بھال اور سلامی پیش کرنے پر شکریہ ادا کیا۔ البرٹ کا کہنا تھا کہ نرس اور ڈاکٹرز میری خدمت نہ کرتے تو میں صحت یاب نہیں ہوسکتا تھا، 20 سال قبل میری بیوی کا انتقال ہوا جس کے بعد سے اکیلے زندگی گزار رہا ہوں۔ خیال رہے کہ مذکورہ فوجی جنگ میں دشمن کے ہاتھوں زخمی ہونے کے بعد قید بھی ہوا تھا۔
تین سال قیدوبند کی زندگی گزارنے کے بعد بالآخر انہیں رہائی ملی۔ اپنے دور میں انہوں نے بہت سی حکومتوں کو تبدیل ہوتے دیکھا۔ وہ اپنی ذات میں دنیا کی ایک تاریخ رکھتے ہیں۔
