site
stats
عالمی خبریں

جنوبی امریکہ میں تباہ کن طوفان سے مرنیوالوں کی تعداد 41 ہوگئی

نیویارک : امریکہ، کینیڈا اور برطانیہ میں طوفانی بارشوں اور سیلاب کا سلسلہ جاری ہے، امریکا کی وسطی اورجنوبی ریاستوں میں بارشوں اورطوفان نے اکتالیس افراد کی جان لے لی جبکہ برطانیہ، ویلزاوراسکاٹ لینڈ کے مختلف علاقے پانی میں ڈوب گئے۔

امریکا کی وسطی اورجنوبی ریاستوں میں سیلاب اوربارشوں نے تباہی مچادی، کئی علاقوں میں بجلی کی فراہمی معطل ہوگئی اورایک ہزارسے زائد پروازیں منسوخ ہوگئیں، ٹیکساس اور نیو میکسیکو میں ہنگامی حالت نافذ کردی گئی، سیلاب سے ڈیڑھ لاکھ سے زائد افراد بے گھر ہوگئے ہیں۔

محکمہ موسمیات نے نیو میکسیکو، اوکلاہوما اور کنساس میں برفانی طوفان کی پیش گوئی کی ہے۔

ریاست ٹیکساس میں تیزبگولوں کی زد میں آکر گیارہ افراد لقمہ اجل بن گئے، طوفان سے مکانوں کی چھتیں اُڑگئیں جبکہ متعدد مکانات مکمل طور پر تباہ ہوگئے، طوفان کے باعث کئی علاقوں میں مواصلاتی نظام مکمل طور پر تباہ ہوگیاہے۔

دوسری جانب برطانیہ،اسکاٹ لینڈ اور ویلز کے مختلف علاقوں میں میں بھی بارش اورسیلاب نے معمول کی زندگی معطل کردی۔ سڑکیں پانی میں ڈوب گئیں اور فضائی اور ریل ٹریفک متاثر ہوئی، پانی میں ڈوبے افراد کو محفوظ مقامات پرمنتقل کرنے کے لئے کارروائیاں جاری ہیں۔

وزیراعظم ڈیوڈکیمرون نے متاثرہ علاقوں میں فوجی اہلکارتعینات کردئیے ہیں، چین میں دھند سے لوگوں کوشدید مشکلات کا سامنا ہے۔

دوسری جانب کینیڈا میں بھی طوفانی بارشوں کا سلسلہ جاری ہے جبکہ جنوبی امریکہ کے ملک پیراگوئے میں طوفان کے باعث نوے ہزار افراد گھروں سے محروم ہوگئے ہیں۔

ارجنٹینا میں بھی سیلاب نے دو افراد کی جان لے لی جبکہ برطانیہ میں بھی مغربی یارک شائر میں طوفانی بارشوں کے بعد سیلاب سے سترسالہ ریکارڈ ٹوٹ گیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top