اپنی ضخیم جسامت اور کھانے کی وجہ سے مشہور دنیا کے سب سے بڑے باڈی بلڈر کا کس طرح اچانک انتقال ہوا، ڈاکٹر نے اہم انکشاف کیا ہے۔
باڈی بلڈنگ میں خاص مقام رکھنے والے بیلاروسی تن ساز الیا ییویمچک جنھیں دنیا کے سب سے بڑے باڈی بلڈر کے طور پر جانا جاتا تھا، وہ 36 برس کی عمر میں اچانک 11 سمبر کو انتقال کرگئے، اس خبر نے باڈی بلڈنگ کی دنیا کو ہلا کر رکھ دیا ہے۔
’’دی بیسٹ‘‘ کی عرفیت سے مشہور ییویمچک کو اچانک دل کا دورہ پڑا جس کی وجہ سے وہ کوما میں چلے گئے، انھیں ہیلی کاپٹر کے ذریعے اسپتال منتقل کیا گیا تاہم ڈاکٹرز انھیں بچانے میں ناکام رہے اور وہ جانبر نہ ہوسکے۔
ڈاکٹرز نے تن ساز کی موت کی تصدیق 11 ستمبر کو ہوئی، الیکٹرو کارڈیالوجی کے پروفیسر اور مصری ہارٹ انسٹی ٹیوٹ کے سابق ڈائریکٹر ڈاکٹر جمال شعبان نے ییویمچک کی موت کی اصل وجہ بتاتے ہوئے کہا کہ انھیں ’دل کا دورہ‘ پڑا تھا۔
جمال شعبان نے فیس بک پر اپنے اکاﺅنٹ پر اس بات کی تصدیق کی کہ دنیا کے سب سے بڑے باڈی بلڈر کی موت اسٹیرائیڈز اور ہارمونز کی وجہ سے ہوئی کیوں کہ ان کے خطرناک اثرات سامنے آتے ہیںَ
انھوں نے اسٹیرائیڈز اور ہارمونز کے استعمال کے حوالے سے خطرے کے بارے میں وارننگ دیتے ہوئے کہا کہ ان کے جان لیوا اثرات ہوتے ہیں اور ان سے موت بھی واقع ہوسکتی ہے۔
دل کا دورہ
ماہر صحت نے بتایا کہ ہارٹ اٹیک کی انتباہی علامات کو جاننے اور ان پر توجہ دینے کی ضرورت ہے، تھکاوٹ سمیت ہارٹ اٹیک کی علامات پر دھیان دینے چاہیے، جو شخص معمولی جسمانی مشقت یا آرام کرتے وقت مسلسل تھکاوٹ محسوس کرے تو اسے احتیاط کرنا چاہیے۔
ڈاکٹر جمال کا کہنا تھا کہ ہارٹ اٹیک کی علامات میں سے ایک پیٹ میں درد ہے جو نظام انہضام میں خرابی کی نشاندہی کرتا ہے، پیٹ میں درد بعض اوقات ہارٹ اٹیک یا فالج کا سبب بن سکتا ہے۔
انھوں نے کہا کہ تھوڑی سی جسمانی مشقت یا آرام کرتے ہوئے انفیلیکسس کی علامات کو نظر انداز نہیں کرنا چاہیے، سانس لینے میں دشواری بھی دل کا دورہ پڑنے کے قریب آنے کا اشارہ ہو سکتا ہے۔
دنیا سے بڑے تن ساز کی موت
خیال رہے کہ محض 36 سال کی عمر میں اچانک دل کا دورہ پڑنے سے دنیا کے سب سے بڑے تن ساز ییویمچک کا انتقال ہوا، وہ دن میں 7 بار کھاتے تھے جبکہ وہ ایک دن میں 16500 کیلوریز اپنے کھاتے تھے۔
ییویمچک کے کھانے میں سوشی کے 108 ٹکڑے اور 2.5 کلو گرام اسٹیک شامل تھا، تن ساز کا وزن 340 پاؤنڈ یا تقریبا 140 کلوگرام تھا۔
