مصنوعی ذہانت کی ٹیکنالوجی دنیا بھر میں تیزی سے متعارف ہورہی ہے اور وقت کے ساتھ ساتھ اس میں مزید جدت بھی آرہی ہے۔ اب ایک مصنوعی بچی کو بھی تیار کرلیا گیا ہے۔
غیر ملکی خبر رساں ادارے کی رپورٹ کے مطابق چینی سائنسدانوں نے آرٹی فیشل انٹیلی جنس کی مدد سے ایک تین سالہ بچی کو تیار کیا ہے، جسے بڑی پیش رفت قرار دیا جارہا ہے۔
بظاہر دیکھنے میں یہ ایک چھوٹی سی بچی کی طرح نظر آتی ہے اور کام کرسکتی ہے، لیکن یہ عجیب و غریب ہستی مصنوعی ذہانت (اے آئی) میں اگلی بڑی پیش رفت ہوسکتی ہے۔
تخلیق کاروں نے اس کا نام ٹونگ ٹونگ (اس کا مطلب چھوٹی لڑکی ہے) رکھا ہے جس کو دنیا کا پہلا اے آئی چائلڈ قرار دیا گیا ہے جسے چین کے سائنسدانوں نے تیار کیا ہے۔
’
Tong Tong is a virtual AI entity that can assign herself tasks, learn autonomously, and explore her environment.
She can display behavior and abilities similar to those of a three or four-year-old child… pic.twitter.com/SoZpKLegwY
— CodingNerds COG (@CodingnerdsCog) February 6, 2024
بیجنگ انسٹیٹیوٹ فار جنرل آرٹی فیشل انٹیلی جنس (بی آئی جی اے آئی) کے سائنسدانوں نے اسے تیار کیا اور ان کا کہنا تھا کہ یہ اے آئی لڑکی خود چیزیں سیکھنے اور اپنے اردگرد کے ماحول کی کھوج کرنے کی صلاحیت رکھتی ہے۔ ان کا دعویٰ ہے کہ ’ٹونگ ٹونگ‘ جذبات کا اظہار بھی کر سکتی ہے۔
انہوں نے مزید بتایا کہ ٹونگ ٹونگ کسی 3 سالہ بچی کی طرح خوشی، غصے یا افسوس کا اظہار کر سکتی ہے۔اس اے آئی چائلڈ کو بیجنگ میں ہونے والی ایک اے آئی کانفرنس کے دوران متعارف کرایا گیا تھا۔
ٹونگ ٹونگ کا کسی روبوٹ کی طرح جسم نہیں بلکہ وہ ایک ورچوئل ماحول میں رہتے ہوئے حقیقی دنیا کے افراد سے رابطہ کرنے کی صلاحیت رکھتی ہے۔
اس کانفرنس کے دوران لوگوں نے خود ٹونگ ٹونگ سے بات کرکے اسے کچھ کام کرنے کی ہدایت بھی کی مگر اس کی خاص بات مختلف کاموں کی ذمہ داری خود سنبھالنا ہے۔
اے آئی چیٹ بوٹس جیسے چیٹ جی پی ٹی یا دیگر اس وقت جواب دیتے ہیں جب انہیں کچھ کرنے کا کہا جاتا ہے اور خود سے کچھ کرنے کی صلاحیت نہیں رکھتے۔
ابھی یہ واضح نہیں کہ ٹونگ ٹونگ کی خود سے کچھ کرنے کی صلاحیت کتنی ہے مگر سائنسدانوں کے مطابق یہ دیگر اے آئی ماڈلز سے زیادہ خودمختار ہے۔
