The news is by your side.

Advertisement

دنیا کا انوکھا فیس ماسک : جس نے دیکھنے والوں کو حیران کردیا

دنیا میں ایسے لوگ کثرت سے پائے جاتے ہیں جو اپنے کارناموں سے نہ صرف دنیا کو حیران کردیتے ہیں بلکہ عالمی ریکارڈ بھی قائم کرلیتے ہیں۔

سوشل میڈیا پر ایسی ہی ایک ویڈیو وائرل ہورہی ہے جس نے دیکھتے ہی دیکھتے صارفین کو اپنی جانب متوجہ کرلیا اور گینز ورلڈ ریکارڈزمیں اپنا نام درج کروالیا۔

تفصیلات کے مطابق تائیوان میں میڈیکل آلات سپلائی کرنے والی ایک کمپنی نے دنیا کا سب سے بڑا سرجیکل ماسک بنا کر نیا گنیز ورلڈ ریکارڈ قائم کردیا ہے۔

Largest ever face mask

غیر ملکی خبر رساں ادارے کی رپورٹ کے مطابق اسے کورونا وائرس وبائی امراض کے ایام میں چہرے کے ماسک کی اہمیت کے بارے میں شعور بیدار کرنے کی غرض کے لیے بنایا گیا تھا۔

موٹیکس ہیلتھ کیئر کارپوریشن نے گزشتہ روز موٹیکس ماسک کریٹیو ہاؤس میں اپنی تخلیق کردہ سب سے بڑے ماسک کی نقاب کشائی کی۔

چانگہوا کاؤنٹی میں موٹیکس ماسک کریئٹو ہاؤس تعلیمی سیاحوں کی توجہ کا مرکز بنا ہوا ہے، ماسک دیکھنے کیلئے لوگ ہے۔

ماسک کی پیمائش27 فٹ اور 3 انچ بائی 15 فٹ اور 9 انچ ہے، گنیز ورلڈ ریکارڈ کے مطابق یہ عام معیاری فیس ماسک سے 50 گنا زیادہ بڑا ہے۔

گینز ورلڈ ریکارڈز کے ایک جج نے ایک ویڈیو پیغام کے ذریعے اس عالمی ریکارڈ کی تصدیق کی ہے۔

اس سلسلے میں ترجمان موٹیکس ہیلتھ کیئر کارپوریشن نے کہا ہے کہ ماسک کا خیال2020 کے اوائل میں کوویڈ 19وبائی امراض کے درمیان بیداری پیدا کرنے کے طریقے کے طور پر سامنے آیا۔

Comments

یہ بھی پڑھیں