سڈنی: قومی ٹیم کے نوجوان فاسٹ بولر حارث رؤف نے اپنے تیسرے میچ میں بھی تین کھلاڑیوں کو پویلین کی راہ دکھادی۔
تفصیلات کے مطابق قومی ٹیم کے فاسٹ بولر حارث رؤف بگ بیش لیگ میں چھاگئے، 2 میچوں میں 7 وکٹیں حاصل کرنے کے بعد حارث نے تیسرے میچ میں بھی تین وکٹیں حاصل کرکے اپنا انتخاب درست ثابت کردیا۔
ملیبرن اسٹارز کی نمائندگی کرنے والے حارث رؤف نے سڈنی تھنڈر کے خلاف میچ میں 4 اوورز میں 24 رنز دے کر تین وکٹیں حاصل کیں اور 10 وکٹیں لے کر دوسرے نمبر پر آگئے، پہلے نمبر پر سڈنی سکسرز کے سین ایبٹ موجود ہیں۔
Could not have picked him out any better than that! Haris Rauf back in the wickets #BBL09 pic.twitter.com/MjBjvE8aGW
— cricket.com.au (@cricketcomau) January 2, 2020
26 سالہ فاسٹ بولر نے سڈنی تھنڈر کے کیلم فرگیوسن، الیکس روس اور لیگ کے ٹاپ رنز اسکورر ڈینئل سیمز کو پویلین کی راہ دکھائی۔
میچ میں میلبرن اسٹارز نے سڈنی تھنڈر کو 7 وکٹوں سے شکست دی، مارکس اسٹونس نے شاندار نصف سنچری اسکور کی۔
Watch #harisrauf Wicket This man is not stoppable #HarisRauf You beauty #StarBbl #Bbl #HarisRauf #Yokrer #Pace #Attack pic.twitter.com/j8I80IZBbT
— Haris Rauf Lover’s (@Harisrauf150) January 2, 2020
واضح رہے کہ حارث رؤف کو ابتدائی دو میچ کھیلنے کے بعد ڈیل اسٹین کی جگہ خالی کرنی پڑی تھی لیکن اسٹین میچ میں کوئی وکٹ حاصل نہ کرسکے تھے، گزشتہ روز اسپنر لمی چانے کے انجرڈ ہونے کے بعد حارث رؤف کو تیسرے میچ میں شامل کیا گیا تھا۔
Another excellent performance from Haris Rauf in the Big Bash League as he picked up 3/24 for Melbourne Stars vs Sydney Thunder. He has now played 3 #BBL09 matches and picked up 10 wickets at an average of 7.1 with an economy rate of 5.91 #Cricket pic.twitter.com/7RthF0TcjY
— Saj Sadiq (@Saj_PakPassion) January 2, 2020
حارث رؤف نے بگ بیش لیگ نے اپنے پہلے میچ میں 20 رنز دے کر 2 وکٹیں حاصل کی تھیں جبکہ دوسرے میچ میں تباہ کن بولنگ کرتے ہوئے 5 کھلاڑیوں کو پویلین کی راہ دکھائی اور میچ کے بہترین کھلاڑی قرار پائے تھے۔
خیال رہے کہ 26 سالہ فاسٹ بولر حارث رؤف پاکستان سپر لیگ (پی ایس ایل) میں لاہور قلندرز کی نمائندگی کررہے ہیں۔