The news is by your side.

Advertisement

ریسل مینیا 35: سیتھ رولنز نے بروک لیسنر کو شکست دے دی

نیوجرسی: ریسل مینیا 35 کے یونیورسل چیمپئن شپ میچ میں سیتھ رولنز نے بروک لیسنر کو شکست دے کر ٹائٹل اپنے نام کرلیا۔

تفصیلات کے مطابق ریسل مینیا 35 کے اہم میچ میں بروک لیسنر اور سیتھ رولنز کے درمیان مقابلہ ہوا جس میں سیتھ رولنز نے بروک لیسنر کو شکست دے کر پہلی بار یونیورسل چیمپئن شپ کا ٹائٹل جیت لیا۔

رومن رینز اور ڈین ایمبروز کے ساتھی کھلاڑی سیتھ رولنز نے بروک لیسنر کو اپنا آخری داؤ ’ہیل کک‘ مار کر شکست دی۔

نوہولڈ بار میچ میں ٹرپل ایچ اور بیٹسٹا بھی مدمقابل آئے، ٹرپل ایچ نے بیٹسٹا کو شکست دے کر اپنا کیریئر بچالیا۔

ایک لمحے پر ایسا لگا جیسے ٹرپل ایچ بیٹسٹا کے ہاتھوں شکست سے دوچار ہوجائیں گے لیکن ٹرپل ایچ بچ نکلے اور آخر میں رک فلیئر نے ہتھوڑا ٹرپل ایچ کو تھما کر ان کی جیت میں اہم کردار ادا کیا۔

شکست کے بعد بیٹسٹا نے ریسلنگ سے ریٹائرمنٹ کا اعلان کرتے ہوئے مداحوں کا شکریہ ادا کیا۔

ڈبلیو ڈبلیو ای چیمپئن شپ کے میچ میں کوفی کنگسٹن نے ڈینئل برائن کو شکست دے کر پہلی بار ڈبلیو ڈبلیو ای چیمپئن شپ کا ٹائٹل اپنے نام کرلیا۔

واضح رہے کہ اس سے قبل ڈینئل برائن نے کوفی کنگسٹن کو اسمیک ڈاؤن میں شکست دی تھی لیکن ریسل مینیا میں وہ ٹائٹل کا دفاع کرنے میں ناکام رہے۔

کینسر کو شکست دے کر رنگ میں واپس آنے والے رومن رینز کا مقابلہ ڈریو میکن ٹائر سے ہوا، جس میں رومن رینز نے ڈریو میکن ٹائر کو شکست سے دوچار کیا۔

ڈبلیو ڈبلیو را میں میکن ٹائر رومن رینز پر متعدد بار حملے کرچکے تھے جس کے جواب دی شیلڈ نے میکن ٹائر کو رنگ کے باہر پچھاڑا تھا۔

ایک اور میچ میں اے جے اسٹائلز نے رینڈی اورٹن کو باآسانی شکست دے دی۔

Comments

comments

یہ بھی پڑھیں