بھارت کے مایہ ناز کرکٹر ویرات کوہلی کا جنوبی افریقی کرکٹر ایڈن مارکرم سے متعلق کیا گیا پرانا ٹوئٹ وائرل ہوگیا۔
ورلڈ ٹیسٹ چیمپئن شپ فائنل میں جنوبی افریقا نے آسٹریلیا کو 5 وکٹوں سے شکست دے کر پہلی بار ٹائٹل اپنے نام کرلیا، ایڈن مارکرم کو شاندار سنچری اسکور کرنے پر فائنل کا بہترین کھلاڑی قرار دیا۔
آسٹریلیا نے جنوبی افریقا کو 282 رنز کا ہدف دیا تھا جسے جنوبی افریقا نے باآسانی 5 وکٹوں کے نقصان پر حاصل کیا۔
جنوبی افریقا کے کپتان ٹمبا باووما نے بھی ایڈن مارکرم کی شاندار اننگ کی تعریف کی۔
تاہم سوشل میڈیا پر بھارتی کرکٹر ویرات کوہلی کا اینڈن مارکرم کے لیے کیا ٹوئٹ سوشل میڈیا پر وائرل ہوگیا ہے۔
ویرات کوہلی نے 2018 میں ٹوئٹ کیا تھا کہ ’اینڈن مارکرم کو بیٹنگ کرتے دیکھ کر خوشی ہوئی۔‘
