سابق معروف امریکی ریسلر انڈر ٹیکر نے بالی وڈ اداکار اکشے کمار کو فائٹ کا چیلنج دے دیا۔
تفصیلات کے مطابق بالی ووڈ اداکار اکشے کمار نے اپنی ماضی کی فلم ’کھلاڑیوں کا کھلاڑی‘ کی ریلیز کو 25 سال مکمل ہونے پر ایک پیغام شیئر کیا۔
اکشے کمار نے لکھا کہ ان کی اس فلم میں دی انڈر ٹیکر کا کردار ریسلر برین لی نے نبھایا تھا۔
اکشے نے اپنے پیغام میں ایک تصویر بھی شیئر کی اور اس میں تحریر تھا کہ جس جس نے انڈر ٹیکر کو شکست دی ہے وہ ہاتھ اٹھائیں۔
اس تصویر میں ریسلر بروک لیسنر، رومن رینز، ٹرپل ایچ کی تصاویریں موجود ہیں جبکہ ساتھ میں اکشے کمار کی بھی تصویر موجود ہے جس کی مدد سے وہ یہ بتائے کی کوشش کررہے ہیں کہ انہوں نے بھی انڈر ٹیکر کو شکست دی۔
A hilarious note to mark 25 years to the release of #KhiladiyonKaKhiladi tomorrow!
A fun fact though: it was wrestler Brian Lee who played The Undertaker in the film 😊 pic.twitter.com/w7J5z3QGBQ— Akshay Kumar (@akshaykumar) June 13, 2021
بعدازاں اکشے کمار کے اس ٹویٹ پر ردعمل دیتے ہوئے انڈر ٹیکر نے انہیں فائٹ کا چیلنج دے دیا۔
ڈیڈ مین کا کہنا تھا کہ ’اب آپ بتاؤ کہ دوبارہ حقیقی فائٹ کے لیے کب تیار ہو۔‘