ڈبلیو ڈبلیو ای کے معروف ریسلر مصطفیٰ علی کے گھر ننھی پری کی آمد ہوئی۔
ورلڈ ریسلنگ انٹرٹینمنٹ (ڈبلیو ڈبلیو ای) کے معروف ریسلر مصطفیٰ علی نے بیٹی کی پیدائش کی اطلاع سماجی رابطے کی ویب سائٹ ٹویٹر پر دی۔
مصطفی علی کی جانب سے شیئر کی جانے والی تصویر میں وہ نومولود کو گود میں تھامے ہوئے ہیں۔
مصطفیٰ علی نے تصویر شیئر کرتے ہوئے کیپشن لکھا کہ ’ہم نے بیٹی کا نام ’دعا‘ رکھا ہے کیونکہ ہم نے اس کے لیے بہت دعائیں کی تھیں۔‘
Congratulations to @AliWWE and his family!! 💕🍼 https://t.co/IYEVnOivW7
— WWE (@WWE) November 25, 2021
ڈبلیو ڈبلیو ای انتظامیہ کی جانب سے مصطفیٰ علی اور ان کے اہلخانہ کو بیٹی کی پیدائش پر مبارک باد دی گئی ہے۔
مداح بھی مصطفیٰ علی کو مبارک باد دے رہے ہیں اور ننھی دعا کے لیے نیک خواہشات کا اظہار کررہے ہیں۔
واضح رہے کہ مصطفیٰ علی ڈبلیو ڈبلیو ای میں کئی اہم اعزاز اپنے نام کرچکے ہیں جن میں یو ایس ٹائٹل، ٹیگ ٹیم ٹائٹل ودیگر شامل ہیں۔
مصطفیٰ علی رواں سال سعودی عرب میں ہونے والے ایونٹ میں بھی ایکشن میں دکھائی دیے تھے، ان کے مداح پاکستان اور سعودی عرب بھی موجود ہیں۔
