ٹینیسی: ڈبلیو بلیو ای کے معروف ریسلر گلین جیکب (کین) امریکی ریاست ٹینیسی کے شہر ناکس کاؤنٹی کے میئر بن گئے ہیں۔ کین امریکی صدر ڈونلڈ ٹرمپ کے حامی بھی بتائے جاتے ہیں۔
غیرملکی خبررساں ادارے کے مطابق میئر کے انتخاب میں ریپبلکن امیدوار کین نے اپنی حریف ڈیموکیرٹک ہینی کو دو، ایک کی لیڈ سے شکست دی، گلین جیکب (کین) نے 66 فیصد (16611) جبکہ ان کی حریف لنڈا ہینی نے 34 فیصد (31739) ووٹ حاصل کیے۔
51 سالہ کین ناکس کاؤنٹی کے 29 ویں میئر ہیں، ان کو تعلیم اور بنیادی ڈھانچے میں بہتری کے ساتھ ساتھ ٹیکس کے چیلنجز درپیش ہوں گے جبکہ 2010 کی مردم شماری کے مطابق ناکس کاؤنٹی کی کل آبادی 432226 ہے۔
جیکب اسپین میں پیدا ہوئے، گلین جیکب ریسلنگ کی دنیا میں کین کے نام سے مشہور ہے اور ڈبلیو ڈبلیو ای چیمپئن بھی رہ چکے ہیں، ڈبلیو ڈبلیو ای کی جانب سے میئر منتخب ہونے پر کین کو مبارکباد بھی پیش کی گئی ہے۔
ڈبلیو ڈبلیو ای انتظامیہ کا کہنا ہے کہ امید ہے کہ میئر بننے سے کین کا ریسلنگ کیریئر متاثر نہیں ہوگا اور میئر کی ڈیوٹی اور ریسلنگ دونوں ذمہ داریاں بخوبی ادا کرسکیں گے۔
مزید پڑھیں: معروف ریسلر کین نے سیاسی میدان میں قدم رکھ دیا، میئر کا انتخاب لڑیں گے
واضح رہے کہ 19 اگست سے شروع ہونے والے ڈبلیو ڈبلیو ای کے اہم ایونٹ میں کین کی شرکت مشکوک نظر آرہی ہے، ان دنوں ریسلنگ میں کین کے پارٹنر ڈینئل برائن ہیں۔
