مینیسوٹا: امریکی ریاست مینیسوٹا میں پولیس نے نشے میں ڈائیونگ کرنے والوں کوسزا کے طور پر جسٹن بیئبر کا ڈانس دکھانے کا اعلان کیاہے۔
تفصیلات کےمطابق امریکی ریاست مینیسوٹا کے شہر وائیومنگ میں پولیس نےگزشتہ روز سماجی رابطے کی ویب سائٹ پرٹویٹ کی کہ شراب پی کر گاڑی چلانے والوں کو ’جیل تک جسٹن بیئبر کا سپر باؤل اشتہار دیکھنا پڑے گا۔‘
If you drive drunk tonight we're going to subject you to that Justin Bieber @TMobile Super Bowl Commercial the entire way to jail. #SB51
— Wyoming, MN Police (@wyomingpd) February 6, 2017
پاپ سٹار جسٹن بیئبرٹیکسیڈو سوٹ میں ملبوس ایک موبائل فون کے اشتہار میں ڈانس کرتے دکھایا گیا تھا۔جسٹن بیئبر کا یہ اشتہار سپر باؤل میچ کے دوران نشر ہواتھا۔
وائیومنگ پولیس کی اس ٹویٹ پر لوگوں نےاپنے ردعمل کا اظہار طنز و مزاح میں کیا اور یہ ٹویٹ دس ہزار سے زائد بار ری ٹویٹ کیاگیا۔
واضح رہےکہ وائیومنگ پولیس کے سربراہ پاؤل ہوپ نے کہاکہ اس ٹویٹ کی وجہ سے سپر باؤل کے دوران شراب نوشی سے متعلق عوامی آگہی کا پیغام پھیلانے میں مدد ملی۔
