لندن: برطانیہ کے ڈاکٹرز نے دس سالہ کتے کے پیٹ سے گالف کی سیکڑوں گیندیں بغیر آپریشن کے لیے باہر نکال لیں۔
دی سن کی رپورٹ کے مطابق جرمن نسل کے دس سالہ کتے کا نام الفائی ہے جو اپنے مالک کے ساتھ گالف کلب جاتا تھا اور وہاں اُس نے سیکڑوں ربڑ کی گیندیں نگل لیں۔
پچاس سالہ برطانوی شہری نیل ٹیلر اس کتے کے مالک ہے جو اپنی دو بیٹیوں اور اہلیہ کے ساتھ کرونا لاک ڈاؤن سے پہلے ہر ہفتے یا فراغت میں گالف کھیلنے جاتے تھے۔
ایک روز انہوں نے دیکھا کہ الفائی گالف کی گیند چاٹ رہا ہے، یہ دیکھ کر وہ پریشان ہوئے اور اپنے کتے کو لے کر اسپتال پہنچے جہاں ڈاکٹر نے اُسے ایک دوا کھلائی تو اُس نے قے کردی۔
کتے نے قے کی تو اُس میں چار گالف کی گیندیں موجود تھیں، بعد ازاں ڈاکٹر نے اُس کا ایکسرے کیا تو معلوم ہوا کہ اُس کے پیٹ میں سیکڑوں گیندیں موجود ہیں۔
ڈاکٹر نے ایفائی کو ایسی دوائی دی کہ وہ جب بھی اُسے کھلائی جائے تو چند گھنٹے بعد وہ الٹی کرتا اور پیٹ میں موجود گیند باہر نکل جاتی۔
نیل ٹیلر کا کہنا تھا کہ ’میں اپنی گیندیں غائب ہونے پر بیٹے کو قصور وار قرار دیتا تھا اور اُس کی باز پرس کرتا تھا‘۔