اشتہار

ایکس (سابقہ ٹوئٹر) نے اچانک کام کرنا چھوڑ دیا، وجہ سامنے آ گئی

ویب ڈیسک
| By ویب ڈیسک
اشتہار

حیرت انگیز

ایلون مسک کی ملکیت والی سوشل میڈیا ایپ ایکس (سابقہ ٹوئٹر) نے اچانک کام کرنا چھوڑ دیا۔

تفصیلات کے مطابق سابقہ بلیو برڈ ایپ نے اچانک کام کرنا بند کر دیا، جس سے ہزاروں صارفین کی سرگرمیاں ٹھپ ہو گئیں، اچانک بندش سے X کے صارفین میں ہلچل پیدا ہو گئی ہے کیوں کہ جب سے ایلون مسک نے ایپ خریدی ہے انھوں نے اسے مکمل طور پر تبدیل کرنا شروع کر دیا ہے۔

معلوم ہوا کہ صارفین نے جب لاگ ان ہونا چاہا تو وہ اپنے پروفائلز تک رسائی حاصل نہ کر سکے، ڈاؤن ڈٹیکٹر کی رپورٹس کے مطابق یہ بندش 28 اگست کی شام شروع ہوئی اور ہزاروں صارفین نے اپنے ڈیسک ٹاپ اور لیپ ٹاپ سے ٹویٹس دیکھنے میں دشواری کی شکایت کی۔

- Advertisement -

لاگ ان پر صارفین کو ’Something went wrong‘ کا پیغام نظر آنے لگا، اور کہا گیا کہ دوبارہ کوشش کریں، تاہم ویب سائٹ ریفریش کرنے اور انٹرنیٹ اور وائی فائی کنکشن چیک کرنے پر بھی یہ بندش گھنٹوں تک برقرار رہی۔

صارفین کو مختلف قسم کی پریشانیوں کا سامنا کرنا پڑا، کوئی ویب سائٹ سے کنیکٹ نہیں ہو پا رہا تھا، کسی کو ٹویٹس لوڈ کرنے میں دشواری ہو رہی تھی، اور کوئی سرور تک رسائی نہیں کر پا رہا تھا، رپورٹس کے مطابق 17 فی صد نے ایپ پر مشکلات کا سامنا کرنے کی اطلاع دی، اور صرف 8 فی صد نے سرور کے ساتھ مشکلات کی شکایت کی۔

واضح رہے کہ گھنٹوں کی بندش کے بعد اب X (یا ٹوئٹر) معمول پر آ رہا ہے، تاہم بعض صارفین کو تاحال مشکل پیش آ رہی ہے، اگر آپ کو بھی مسئلہ درپیش ہے تو مندرجہ ذیل اقدام کریں:

کسی اور براؤزر سے ایکس تک رسائی حاصل کرنے کی کوشش کریں۔

آپ جو ایپ یا براؤزر استعمال کرتے ہیں اسے ریفریش کریں۔

اگر X بدستور بیٹھا ہوا ہے تو مسئلہ حل ہونے تک انتظار کریں۔

یہ سوال اکثر صارفین کو پریشان کرتا ہے کہ ٹوئٹر کی بندش اتنی کثرت سے کیوں واقع ہو رہی ہے؟ تو یہ جان لیں کہ ایپس اور سائٹس میں وقتاً فوقتاً بندش آتی رہتی ہے جو چند منٹ یا ایک گھنٹے کے لیے ہوتی ہے، یہ مینٹیننس کی وجہ سے معمول کی بات ہے، تاہم جب سے ایلون مسک نے ٹوئٹر خریدا ہے تب سے ایپ میں مسائل بڑھ گئے ہیں جس پر صارفین مایوس ہو رہے ہیں۔ ماہرین کا کہنا ہے کہ ٹوئٹر کی بار بار بندش کی وجہ APIs میں تبدیلیاں، بیک اینڈ سسٹم میں کنفیگریشنل تبدیلیاں اور روٹین سرور اپ ڈیٹس ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2024