اسلام آباد: پاکستان بھر میں سماجی رابطے کی ویب سائٹ ایکس (سابقہ ٹوئٹڑ) کی سروس بحال ہو گئی۔
تفصیلات کے مطابق پاکستان بھر میں مائکرو بلاگنگ ویب سائٹ ایکس (ٹوئٹر) کی سروس 39 گھنٹے متاثر رہنے کے بعد بحال ہو گئی، ملک کے مختلف شہروں کے صارفین نے بتایا کہ وہاں ٹوئٹر سروس بحال ہو گئی ہے۔
سوشل میڈیا کی بندش اور مانیٹرنگ سروس ڈاؤن ڈیٹیکٹر کے مطابق پاکستان میں ہفتے کی رات 9 بجے سے ایکس ڈاؤن تھا، صارفین ایکس پر نہ کوئی پوسٹ کر سکتے تھے اور نہ ہی دیکھ سکتے تھے۔
- Advertisement -
پاکستان میں ایکس کی سروس میں پیش آنے والی ’خرابی‘ سے متعلق تاحال کوئی وضاحت سامنے نہیں آئی ہے، تاہم دو دن سروس ڈاؤن رہنے کے بعد اب سروس بحال ہو گئی ہے۔