پاکستان شوبز انڈسٹری کی معروف اداکارہ یشمیٰ گل نے انسٹاگرام اسٹوری میں شادی کی خواہش کا اظہار کیا ہے۔
شادی کرنے یا نہ کرنے کی وجہ سے خبروں میں رہنے والی اداکارہ یشمیٰ گل کا حال ہی میں انسٹاگرام اسٹوری میں شادی کی خواہش کے اظہار کا اسکرین شاٹ وائرل ہوگیا۔
View this post on Instagram
اداکارہ نے فوٹو اینڈ شیئرنگ ایپ انسٹاگرام پر ایک اسٹوری شیئر کی ہے جس کے ساتھ انہوں نے اپنی شادی کی خواہش کا اظہار کیا۔
یشمیٰ گل نے سوشل میڈیا کی پوسٹ شیئر کی جس میں بتایا گیا تھا کہ سعودی حکومت نے مکہ شریف اور مدینہ منور میں نکاح پڑھانے کی اجازت دے دی۔
اداکارہ نے مذکورہ پوسٹ کو شیئر کرتے ہوئے لکھا کہ ’’ اب شادی کا وقت آچکا‘‘۔
اداکارہ کی جانب سے مکہ اور مدینہ میں نکاح کی اجازت دیے جانے کی پوسٹ کو شیئر کرتے ہوئے شادی کا وقت آنے کی بات لکھنے کا اسکرین شاٹ وائرل ہوگیا۔
View this post on Instagram
اسکرین شوٹ وائرل ہونے کے بعد متعدد شوبز سوشل میڈیا پیجز نے اداکارہ کی جانب سے جلد شادی کرنے کے عندیے کی خبر شائع کی۔
واضح رہے کہ سعودی عرب کی حکومت نے جنوری 2024 میں پہلی بار مدینہ منورہ اور مکہ شریف کے مقدس مقامات پر نہ صرف نکاح کی اجازت دی تھی بلکہ اس ضمن میں حکومتی سطح پر سہولیات فراہم کرنے کے لیے سروسز شروع کرنے کا عندیہ بھی دیا تھا۔
اگرچہ ماضی میں بھی دنیا بھر کے مسلمان کعبت اللہ اور مسجد نبوی ﷺ سمیت دیگر مقدس مقامات پر جاکر نکاح کی سنت ادا کرتے تھے، تاہم رواں برس سعودی عرب کی حکومت نے نکاح کے لیے حکومتی سہولیات متعارف کرانے کا اعلان کیا تھا۔
