اسلام آباد : حریت رہنما یاسین ملک کی اہلیہ مشعال ملک نے مودی سرکار کا کشمیریوں کے خلاف بڑا منصوبہ بے نقاب کردیا۔
تفصیلات کے مطابق حریت رہنما یاسین ملک کی اہلیہ مشعال ملک نے یوم استحصال کے موقع پر اپنے بیان میں کہا کہ 3 سال قبل بھارت نے جبری طورپرکشمیرکی خصوصی حیثیت ختم کی، 70سال سےبھارتی فوج مقبوضہ کشمیرمیں اپنےقدم جمارہی تھی۔
مشعال ملک کا کہنا تھا کہ مودی سرکار کشمیر میں صدی کی سب سے بڑی ڈکیتی کرنے جا رہا ہے، وادی میں لینڈ گریبنگ کے لیے مودی سرکار نے لاکھوں کا ریلہ کشمیر میں بھیج دیا ہے۔
یاسین ملک کی اہلیہ نے کہا کہ کشمیریوں کی زمینوں پرقبضےکیلئےبھارت نےلاکھوں غیرمقامی افرادبسائے اور کشمیریوں کو اپنے ہی گھروں سے بے گھر کر کے سڑکوں پر پھینک دیا۔
ان کا کہنا تھا کہ ساٹھ لاکھ ڈومیسائلز ہندوؤں کو دیئے گئے ہیں، ہندوستان سے کچھ اچھے کی امید نہیں ہے۔ مودی نے کورونا وباء کی تباہ کاریوں کو کوئی سبق نہیں سیکھا
مشعال ملک نے مزید کہا پوری کشمیری قوم کو پنجرے میں بند کر دیا ہے، کشمریوں کے خون کے پیاسے مودی نے معصوم نہتے کشمیروں پر ظلم و جبر کا بازار گرم کر رکھا ہے۔
یاسین ملک کی اہلیہ کا کہنا تھا کہ کشمیری قوم کفن باندھے اپنے حق او آزادی کے لیے کھڑی ہے اس دور کے باطل اور یزید کے خلاف ہے۔
