سوشل میڈیا پر پاکستانی شوبز انڈسٹری کی نامور اداکارہ اقرا عزیز کا خاکہ زیرِ گردش ہے جس پر ان کے شوہر اداکار یاسر حسین کا ردعمل سامنے آیا ہے۔
اقرا عزیز کے مداح نے انسٹاگرام پر ان کا خاکہ بنا کر شیئر کیا جو لوگوں کی توجہ کا مرکز بنا ہوا ہے۔ مداح نے لکھا کہ خاکہ بنانے میں طویل وقت لگا لیکن یہ درست نہیں بن سکا۔
اس نے اداکارہ کو مخاطب کرتے ہوئے لکھا کہ ’مجھے امید ہے یہ آپ کو پسند آئے گا۔‘
متعلقہ: اقرا عزیز نے اپنے مداحوں کو خاص پیغام پہنچا دیا
View this post on Instagram
خاکے پر جہاں سوشل میڈیا صارفین نے تبصرے کیے وہیں یاسر حسین کا ردعمل بھی سامنے آیا۔ انہوں نے مذکورہ پوسٹ کو انسٹاگرام اسٹوری پر شیئر کرتے ہوئے مداح کا شکریہ ادا کیا۔
اداکار یاسر حسین نے لکھا کہ اچھی کوشش کی لیکن آئندہ میری بیوی کی تصویر مت بنانا ورنہ بات کیس تک چلی جائے گی۔
اس پر ایک انسٹاگرام صارف نے لکھا کہ آرٹسٹ کا مذاق نہیں اڑانا چاہیے اس نے بہت اچھا کام کیا، تعجب کی بات نہیں کہ پاکستان میں آپ کے پاس حقیقی ٹیلنٹ نہیں ہے کیونکہ آپ ان کی حوصلہ افزائی یا نہیں کرتے۔
اقصیٰ میر نامی صارف نے لکھا کہ اگر اتنا ہی مسئلہ ہے تو بیوی کو ڈراموں میں کام کروانا بند کر دیں پھر کیس کرواتے ہوئے بھی اچھے لگیں گے۔
انہوں نے مزید لکھا کہ جو اداکارہ کے مداح ہیں وہ تو دو روپے والے کارڈ پر بھی ان کی تصویر بنائیں گے۔
